Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum inspecturis salutem in omnium saluatoore. Ad vniuersorum tam presencium quam futurorum noticiam harum serie uolumus peruenire; quod dominus Rodolfus Romanorum Rex Semper Augustus, cognatus et affinis noster karissimus, dominum Ottonem de Bybursteyn tanquam fidelem et Corone Regie fideliter famulantem nobis commendauit; petens nos diligenter, ut eundem in nostram recipere dignaremur graciam specialem, et vniuersas possessiones seu uillas, iuxta terminos, metas seu indagines Regni nostri et Regni Polonie ac Ruzye existentes, ob merita seruiciorum suorum, que domino Stephano Serenissimo Regi Hungarie, patri nostro karissimo pie memorie, laudabiliter inpendit et deuote, secundum formam priuilegij eiusdem patris nostri reddere et restituere de benignitate nostre gracie dignaremur. Nos itaque peticionibus et uotis eiusdem domini Rodolfi parere cupientes, ut tenemur, considerantesque et attendentes obsequiosa merita et meritorum obsequia eiusdem domini Ottonis, que predicto patri nostro, et demum nobis inpendit indefesse in diuersis expedicionibus 167Regni nostri, propter que idem dominus Ottou maioribus et amplioribus remuneracionum donis dignus haberetur; in aliqualem tamen reconpensacionum seruiciorum suorum predictas possessiones seu uillas, quarum nomina in priuilegio predicti patris nostri dixit taliter contineri; videlicet uilla Razlauth, item uilla Sancte Trinitatis, villa Omnium Sanctorum, villa Kobula, villa Bardfa, Mokurlang, Guebold, Margan, Stemella, et Rodamyn, cum omnibus utilitatibus et pertinencijs vniuersis eidem domino Ottoni, et per eum suis heredibus, heredumque suorum successoribus dedimus, donauimus et contulimus iure perpetuo possidendas, donacionem seu collacionem eiusdem patris nostri mediante priuilegio suo factam confirmando. Vnde uolumus, quod nullus Comitum seu nobilium Regni nostri ipsum dominum Ottonem racione ipsarum possessionum ultra formam priuilegij eiusdem patris nostri, et nostri audeat uel presumat inquietare seu in aliquo molestare, dummodo idem dominus Ottou, cum per nos fuerit requisitus, tempore opportuno fideles inpenderit famulatus. In cuius rei memoriam firmitatemque perpetuam presentes concessimus litteras sigilli nostri dupplicis munimine roboratas. Datum per manus venerabilis viri Magistri Thome Electi Albensis aule nostre Vice-Cancellarij dilecti et fidelis nostri, anno Domini NşCCşLXXş septimo, Regni autem nostri anno sexto.

(Eredetie bőrhártyán; a zöld-vörös selyemzsinóron függött pecsét elveszett; a budai kir. kamarai levéltárban.)