Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in omnium saluatore. Cum bene meritos debito fauore prosequimur, et munificencijs Regijs attollimus et Deo placere credimus, et homines ad virtuosa accionis desideria vocamus. Hinc est, quod ad vniuersorum tam presencium quam futurorum noticiam harum serie volumus peruenire: quod Magister Barlens filius Ban de Diwek ad nostram accedens presenciam petiuit a nobis instantissime, vt propter seruicia sua fidelia nobis et Regno fideliter exhibita, nec non in concambium siue permutacionem terrarum suarum et fratrum suorum vterinorum ac eciam filiorum Cosme auunculi sui hereditariarum, Sarkwz videlicet et aliarum ad terram Visegrad spectancium in Thuruch constitutarum, quas quidem Dominus Bela Serenissimus Rex Hungarie felicis recordacionis auus noster kanisaimus ab ipsis et generacione ipsorum receperat adiugendo et applicando ipsas castro suo de Zolum, qui eciam promiserat se eisdem in simili concambio prouisurum, sicut id in litteris ipsius domini Regis aui nostri vidimus contineri, sibi et fratribus suis, ac filiis Cosme predicti auunculi sui in quadam terra Castri nostri Nitriensis Bossan vocata, vacua et habitatoribus destituta, contigua eciam et commetanea terre ipsorum hereditarie similiter Bossan vocate, de benignitate Regia prouidere dignaremur. Sed quia de qualitate et quantitate dicte terre nobis non erat veritas ad plenum manifesta, fidelibus nostris Capitulo Nitriensi dedimus in mandatis, vt vnum ex ipsis transmitterent fidedignum, coram quo Magister Mohor homo noster inspiceret ipsam terram, et si eam vacuam et nostre collacioni inueniret partinentem, statueret et assignaret 169filiis Baan et filiis Cosme supradictis, contradictores nihilominus ad nostram presenciam euocando. Quod quidem Capitulum demum rescripsit nobis, ipsam terram esse vacuam et nostre collacioni pertinentem, et quod in eiusdem reambulacione et statucione nullus extitisset contradictor. Nos itaque considerantes fidelia obsequia predicti Magistri Barlai in omnibus expedicionibus et arduis factis Regno fideliter exhibita, attendentes eciam promissionem predicti domini Regis aui nostri ipsis factam, memoratam terram Bossan ipsi Magistro Barleo, nec non Budimero, Jeruslao, Gregorio fratribus suis, ac eciam filiis Cosme auunculi sui supradicti et eorum posteris ac successoribus in concambium sine permutacionem terrarum suarum ipsos in terra Sarkowz et aliis ad Visegrad spectantibus contingencium cum omnibus vtilitatibus ac vniuersis circumstanciis suis dedimus donauimus et contulimus jure perpetuo et irreuocabiliter possidendam, sub iisdem metis et terminis, quibus ipsum Castrum habuit, tenuit et possedit. Vt igitur huius nostre donacionis series robur obtineat perpetue firmitatis, nec processu temporum per quempiam valeat in irritum reuocari, presentes iisdem concessimus litteras dupplicis sigilli nostri munimine roboratas. Datum per manus venerabilis viri Thome Electi Albensis aule nostre Vice-Cancellarii dilecti et fidelis nostri, anno Domini millesimo CCş septuagesimo septimo, Regni autem nostri anno sexto.

(A királyi fiscus és Beszterczebánya város közti egykori jogpernek melléklete.)