Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus tam presentibus quam futuris presentes litteras inspecturis salutem in eo, qui Regibus dat salutem. Circumspeccio Regum prouida condignis pecunijs sibi subsequentibus sic debet occurrere, ut alij corum exemplo prouocati ad fidelitatis studia forcius accendantur. Proinde ad vniuersorum noticiam tenore presencium uolumus peruenire: quod Seraphinus filius Kunta dilectus et fidelis seruiens noster ad nostram accedens presenciam; nobis humillime supplicans a nobis instantissime postulauit, vt quandam terram Castri nostri Zulgageuriensis Fuldombo uocatam de benignitate Regia sibi conferre dignaremur. Verum quia, nobis non constabat ueritas de eadem, fidelibus nostris Capitulo Posoniensi dedimus in mandatis, ut mitterent unum ex ipsis pro testimonio fidedignum, coram quo Comes Facianus filius Bark homo noster accederet ad terram memoratam, et eandem statueret eidem Seraphino dilecto et fideli seruienti nostro, si non fieret contradictum, contradictores, si qui fierent, ad nostram presenciam euocaret. Qui quidem postmodum nobis rescripserunt, vt idem homo noster presentibus omnibus conuocatis commetaneis et vicinis reambulasset terram supradictam, et statuisset eidem Seraphino sub eisdem certis metis antiquis et erminis, sicut ante predictum Castrum nostrum eandem terram 172tenuit et possedit, nemine contradictore existente. Nos itaque fidelibus seruicijs ipsius Seraphini nobis laudabiliter inpensis respondere uolentes Regio cum fauore, memoratam terram Castri nostri Zulgageuriensis Fuldombo nuncupatam, cum omnibus utilitatibus et pertinencijs suis uniuersis, contulimus, dedimus, donauimus atque tradidimus prefato Seraphino de nostra certa consciencia, et per eum suis heredibus heredumque suorum successoribus iure perpetuo et irreuocabiliter possidendam. Vt igitur donacio nostra huiusmodi de uoluntate Baronum nostrorum legitime et iuste facta perpetuo perseueret, presentes concessimus litteras dupplicis sigilli nostri munimine roboratas. Datum per manus uenerabilis uiri Magistri Thome Albensis Ecclesie Electi aule nostre ViceCancellarij dilecti et fidelis nostri; anno Domini MşCCş septuagesimo septimo, Regni autem nostri anno sexto.

(Eredetie bőrhártyán, a vörös-zöld selyemzsinóron függött pecsét elveszett; a budai kir. kamarai levéltárban.)