Nos Ladizlaus Dei gracia Rex Hungarie tenore presencium significamus quibus expedit vniuersis, quod nos ob deuocionem, quam habemus erga Beatam Virginem, et salutem anime nostre, quandam terram Tawarnuk vocatam, in medio possessionum domine Elizabeth sororis nostre de Insula Beate Virginis adiacentem, quam Thorzok Comano contuleramus, ab eodem penitus reuocando, et suas litteras irritando et reuocando, eidem domine Elizabeth et Ecclesie Beate Virginis dedimus, donauimus et contulimus perpetuo possidendam. Vnde volumus, quod nullus tam de Hungaris quam Comanis eandem sororem nostram vel officiales suos racione ipsius terre audeat vel presumat molestare. Super quo eciam eidem nostrum priuilegium conferemus, cum presentes nobis fuerint reportate. Datum Bude tercio die Beati Francisci Confessoris, anno Domini millesimo ducentesimo septuagesimo septimo.

(IV. László királynak ugyan 1277-ki megerősítő privilegiumából, mint fentebb 115. sz. a.; a budai kir. kamarai levéltárban.)