Conuentus Monasterij Sancti Egidij de Symigio omnibus Christi fidelibus presentibus pariter et futuris presentes litteras inspecturis salutem in eo, qui est salus omnium. Noticie cunctorum declaramus: quod Comes Johannes filius Iseph ab una parte; Zenke filius Bed, Joanka filius Kyren, Nicolaus 185filius Tyze, Benke filius Emirici, Petrus filius Pyntek, Nyged filius Marcus castrenses de villa Mogorey, una cum Antaleo filio Wytalus dc Maach homine Gregori Bani Comitis Symigiensis, personaliter ex altera coram nobis constituti, idem Comes Johannes dixit, ut haberet terram cum terris castrensium predictorum in dicta villa Mogorey coniunctim et sine diuisione, et nunc uellet separare de eisdem, eo quod propter presentem Regni descensionem et guerram nollet cum ipsis castrensibus possidere seu tenere. Cuius Comitis Johannis dicta prenominati castrenses uera esse communiter afirmarunt, et idem Comes Johannes, et etiam castrenses iam dicti hominem nostrum fidelem pro testimonio postularunt, in cuius presencia mediante Antalo filio Vitalus per Gregorium Banum Comitem Symigiensem dato, ipse Comes Johannes terram suam separaret de castrensibus memoratis, et undique. metis distingeret seu signaret. Nos autem fidelem hominem nostrum misimus cum Comite Johanne ad omnia premissa exequenda; qui postmodum cum Comite Johanne memorato, Antalo filio Wytalus, Zenke, et omnibus socijs suprascriptis castrensibus, ad nos reuersus nobis dixit: ut dum terram suam Comes Johannes separar e de terris ipsorum castrensium voluisset; ijdem castrenses asseruerunt, se super sua propria terra non posse commorari, si ipse Comes Johannes suam terram separaret ab eisdem; et ibi dicti castrenses rogauerunt Comitem Johannem memoratum, ut ipsorum peticionibus humilibus se inclinaret; et sicut ijdem castrenses in nostra presencia constituti et Comes Johannes pretaxatus dixerunt, ipse Comes Johannes misericordia motus ipsorum peticionem admisisset, ac dictam terram suam similiter sine diuisione possideret cum eisdem, prout actenus tenuit et possedit. In cuius rei memoriam et perpetuam firmitatem ad peticionem et instanciam Comitis Johannis filij Iseph, Zenke et sociorum suorum castrensium predictorum presentes dedimus litteras sigilli nostri munimine roboratas. Datum anno ab Incarnacione Domini MşCCşLXXş septimo, Elya Abbate, Lukach Decano, Petro Custode existentibus.

(IV. László királynak 1279-ki megerősítő privilegiumából, mint alább.)