Nos Hermanus Magister et Conuentus Domus Hospitalis Sancti Stephani Regis de Strigonio damus pro memoria, quod cum Magister Paulus aule Regne Notarius de Deer, et Comes Martinus Officialis Comitis Dominici Castellani de Visagrad pro eodem domino suo super interfeccione Comitis Petri fratris Magistri Pauli, et paruuli cognati eiusdem ac ablacione rerum suarum contra vniuersos populos sororum de Insula Beate Virginis de uilla Cholnuk mouissent questionem, et ipsa causa aliquamdiu fuisset uentilata; tandem post produccionem testium mediantibus uiris ydoneis, Comite videlicet Archyno, Elkyno uillico, et Gerardo, ciuibus Strigoniensibus, item Michaele Comite Camere Regis, Augustino Preposito Chenadiensi, et Comite Mark de genere Rysd arbitros per partes adductos, ad talem pacis et concordie peruenerunt unionem coram nobis, quod ijdem populi de uilla Cholnuk uniuersaliter eidem Magistro Paulo et fratribus suis, Peturka scilicet et Paulo soluerent sexaginta marcas minus duabus marcis in terminis assumptis coram nobis; viginti marcas scilicet soluerent in dominica Judica partim in denarijs dando decem pensas Viennenses pro qualibet marca, aut quinque pensas denariorum Banalium, partim uero in estimacione condigna; item viginti marcas soluerent in octauis Pentecostes modo supradicto; residuas uero decem et octo marcas soluerent in octauis Sancti Laurencij martiris modo superius annotato, ita tamen quod medietatem solucionis denariorum deberent facere in denarijs Banalibus, medietatem uero in Viennensibus, sicut superius est expressum. Tali pena interposita, quod si primum terminum obmiseriut in soluendo, incurrent dupli penam; si uero secundum, amittent pecuniam prius persolutam; et si terciam solucionem facere non curauerint, pecunia 188in prioribus duobus terminis persoluta amittetur eo ipso. Pars autem de arbitrio predictorum uirorum resiliens triginta marcas soluere tenebitur parti composicionem tolleranti. Dicimus eciam, quod solucionem predicte totalis pecunie in ipsis tribus terminis debitam, nec per litteras Regias, nec eciam ingenio aut casu aliquo ijdem populi de Cholnuk differre poterunt ullo modo. Nec hoc pretermittimus, quod Comes Dominicus et Magister Paulus, una cum fratribus suis predictis, populos de uilla Cholnuk super morte predicta ab omnibus eosdem inquietare uolentibus tenebuntur defensare, sicut Martinus Officialis Comitis Dominici pro eodem domino suo assumpsit coram nobis. Partes autem judicem placare tenebuntur in communi. Datum in vigilia Purificacionis Beate Virginis anno Domini Mş CCş LXXş septimo.

(Eredetie bőrhártyán; melyen a pecsétnek töredéke látszik még, a budai kir. kamarai levéltárban.)