Nos Magister Hermanus et fratres Domus Hospitalis Sancti Regis Stephani de Strigonio significamus quibus expedit memorie commendantes; quod cum populi de villa Cholnuk iuxta cursum priorum litterarum nostrarum Magistro Paulo aule domine Regine Notario de Deer pro interfeccione seu morte Comitis Petri fratris Magistri Pauli et paruuli cognati eiusdem, ac ablacione rerum suarum, arbitrantibus viris idoneis, Comite videlicet Archyno, Elkyno Villico, et Gerardo, ciuibus Strigoniensibus, item Mychaele Comite Camere domini Regis, Augustino Preposito Chanadiensi, et Comite Mark de genere Rusd, et fratribus eiusdem Magistri Pauli, Peterke scilicet et Paulo, sexaginta marcas minus 189duabus marcas coram nobis partim in denarijs dando decem pensas Viennenses pro qualibet marca, partim in extimacione condigna soluere debuissent tribus terminis, videlicet in dominica Judica, in octauis Pentecostes, et in octauis Sancti Laurencij consequeuter successiuis: hijdem populi de villa Cholnuk primo, secundo et tercio terminis Magistro Paulo et suis fratribus memoratis coram nobis soluerunt totam pecuniam per seriem pretaxatam; quos videlicet vniuersos populos de villa Cholnuk, jobagiones sororum de Insula Beate Virginis, Magister Paulus et fratres eiusdem sepedicti reddiderunt ab inpeticione ipsius cause penitus expeditos; asummentes eosdem populos defendere ab omnibus quolibet tempore omni occasione postposita, una cum iuuamine et adiutorio Dominici Comitis de Wysagrad; qui pro se ad asummendum hoc Officialem suum Martinum nomine ad nos miserat, cum ipse Petrus Comes interfectus una cum paruulo suo, ut dictum est, fuerit seruiens Dominici Comitis annotati. Defendent tamen eos, sicut asumserunt, laboribus proprijs et expensis. Datum in octaua Sancti Laurencij anno gracie MşCCş septuagesimo septimo.

(Eredetie bőrhártyán, melynek pecsétje elveszett, a budai kir. kamarai levéltárban.)