Nos Magister Sol Diuina miseracione Prepositus Dymisiensis vniuersis quibus expedit memorie commendantes significamus: quod inito consilio cum iobagionibus Ecclesie nostre, Pouka scilicet filio Mortunus, Petro filio Myko, et Orachino de Vrs, pro quibusdam necessitatibus Ecclesie subleuandis, et subleuatis, quandam possessionem eiusdem Ecclesie nostre Olkulecar uocatam, uacuam et habitatoribus destitutam, sub suis antiquis metis et terminis coram Conuentu de Alba Comiti Alexandro de Mehus, Symoni et Johanni filijs Nycolai de Edelyn, pro decem marcis denariorum Banalium pro qualibet marca cum sex pensis numeratorum pignori obligauimus a festo Sancti Johannis Baptiste nunc uenturi usque ad reuolucionem quinti anni, eo pacto, quod si reuoluto quarto anno in festo Sancti Johannis Baptiste possessionem predictam cum decem marcis prenominato modo a Comite Alexandro, Symone et Johanne predictis refusis et solutis redimeremus, bene quidem; alioquin penam dupli incurremus. Assumpsimus eciam coram eodem Conuentu, quod dictam possessionem usque ad ipsius quarti anni reuolucionem redimendi non haberemus facultatem a viris memoratis. Et ut hoc certum permaneat usque tempus predictum, cum litteris nostris sigillo nostro obpresso confirmamus. Datum in crastino octauarum Pentecostes anno Domini MşCCş septuagesimo septimo.

(Eredetie bőrhártyán, a hátul oda nyomott pecsét elveszett, a budai kir. kamarai levéltárban.)