Nos Capitulum Vesprimiensis Ecclesie damus pro memoria, quod Comite Paulo filio Marcelli pro se et pro Mathe fratre suo ex vna parte; et Stephanus pro se similiter et Nycolao fratre suo; item Boltha filio Pauli pro se et pro Paulo fratre suo ex altera, nobilibus de villa Ayka in nostri presencia constitutis; idem Comes Paulus proposuit, quod porcionem in terra hereditaria ipsum et premoratum fratrem suum contingentem, terciam videlicet partem eiusdem terre, que habita inter ipsos diuisione inter terram Gyliani ac fratris sui et terram Boltha sev fratrum suorum eis fuerat assignata, iuxta nostrorum priuilegiorum continenciam, vt dixerunt, pro bono pacis et concordie, ac speciali dileccione predictorum suorum cognatorum, eisdem Gyliano et Boltha et ipsorum fratribus dedissent et assignassent, cum omnibus suis utilitatibus perpetuo possidendam; et ab ipsis in concambium eiusdem porcionis tantundem terre ex parte finis ex ipsorum hereditaria porcione ex parte prati, quod Bagarethe appellatur, cum omnibus similiter suis utilitatibus habendam perempniter recepissent. Que terra a terris predictorum Gyliani et Boltha ac fratrum suorum taliter distingitur, sicut partes retulerunt: Incipit enim ante fores ecclesie Beati Remigij de eadem villa Ayka, et procedens supra molendino Georgij transit fluuium Tornua, et cotingit duas metas iuxta eundem fluuium collocatas; de quibus procedens viam attingit publicam et terram 219Damsa, iuxta quam uergens uersus occidens, et in eadem via procedens contingit metas terre ville Berend, et hoc ex vna parte; ex parte vero altera incipit iuxta capanile (igy) predicte ecclesie, et procedens transit fluuium Tornua antedictum infra molendinum Boltha, et contingit quandam viam per quam itur ad domum Hunth, et in eadem via procedens contingit duas metas iuxta eandem viam collocatas ex opposito molendini ecclesie; de quibus procedens uersus occidens contingit arbores fructiferas Zomboth, ubi in quadam pyro ab aquilone existenti sunt due mete, in qulbus terminatur. Gylianus autem et Boltha sepedicti predictum concambium ratum habentes, assumpserunt ipsum Comitem Paulum super duodecim iugeribus terre filijs Pousa et Lucach assignandis atque dandis de ipsorum porcionibus expedire. Adiecerunt eciam ipse partes, quod si que ipsarum hanc ordinacionem successu temporum retractare conaretur, ante litis ingressum tres marcas parti alteri soluere teneretur, ipsam ordinacionem sustinenti. Petiuerunt preterea cum instancia, qued nostro priuilegio presens factum munire dignaremur; quod nos facturos promisimus, si presentes nobis reportentur. Datum anno Domini MşCCşLXXş octauo, in festo Beati Panthaleonis martiris.

(Eredetie bőrhártyán, a hátára nyomott pecsét elveszett; közli Thaly Kálmán.)