Viro nobili et honesto Petro Palatino Comiti Symigiensi et Judici Cumanorum Comes Gregorius filius Iharus, Comes Cosmas de Koasna, et Vgra filius Ipoliti pro fratre suo Nycholao inclinacionem cum reuerencia. Ad noticiam uestram tenore presencium deferimus, quod cum feria sexta proxima post festum medij kadragesime coram nobis Segusdini per litteras et per peticionem Dyonisij quondam Palatini iure persone eiusdem pro arbitratoribus inter Comitem Johannem filium Isep, actorem uidelicet, et Comitem Ochuz ex altera deputatis, idem Comes Johannes litteras domine Regine senioris et litteras domini Regis Ladislai, nec non alia instrumenta, si qua habet, contra eundem Comitem Ochuz exhibere ex arbitrio dicti Dyonisij Palatini debuisset, super eo uidelicet, ut terram Chuana uocatam ipse Comes Ochuz detinere non debeat; predicto Comite Johanne litteras patentes St(ephani) Regis pie memorie, et priuilegium domini Ladislai Regis, nec non priuilegium domine Regine senioris in supradictis loco et anno coram nobis super dicta terra Chuana exhibente, prefatus Comes Ochuz non personaliter, nec per hominem ad arbitrium nostrum uoluit conparere. Item nos nobiles supradicti, et Endre filius Mortunus pro parte Comitis Johannis, et Forcasius filius Decimus pro parte Comitis Ochuz inquisiciones super destruccione, quam Comes Johannes super terra sua Eur uocata per Comitem Ochuz dicebat esse factam, noticie uestre in fide Deo debita intimamus: quod inquisita omnimoda ueritate sciuimus pro certo, quod dictus Comes Ochuz terram prefati Comitis Johannis, et populos eius in eadem terra Eur residentes destruxit, et rebus omnibus spoliauit. Vnde licet per pridem Dyonisium tunc 223temporis Palatinum simus ad predictas duas causas inquisitores et arbitratores deputati, tamen quia exingentibus (így) fidelitatis uestre meritis de gracia Regia per totum Regnum estis Palatinus, ex parte nostra, sicut debemus, scripsimus seriatim. Datum Segusdini in sexta feria supradicta.

Kívűl egykoru kéz: Petro Palatino et Comiti Symigiensi.

(Eredetie bőrhártyán, melynek hátára nyomott pecsét lemállott, a nemz. muzeum kézirat-tárában.)