Nos Ladizlaus Dei gracia Rex Hungarie significamus quibus expedit presencium per tenorem: quod Magister Ladizlaus Prepositus Strigoniensis, domini Pape Capellanus, dilectus et fidelis noster, in lecto egritudinis in nostra curia constitutus, pecijt a nobis humiliter et deuote, ut de possessione sua Gereky uocata, in Comitatu Huntensi existente, liberam potestatem donandi inter vivos et testamento relinquendi concedere de benignitate Regia dignaremur; tam ea parte, que est empticia, quam de ea, que gracia Bele Regis aui nostri karissimi et nostra aquisita. Nos itaque meritoria et multiplicia seruicia ipsius attendentes, que prefato auo nostro, karissimo patri nostro, nobisque exhibuit indefesse; ipsius precibus iustis Regaliter inclinati, concessimus annuendo, ut de ipsa terra possit ordinare et disponere, tam inter uiuos, quam in morte; donando eam, legando consanguineis et nominatim suis sororibus (mari)tisque earundem et Ecclesijs, ita quod nullus ordinacionem, quam de predicta possessione fecerit, impedire ualeat, uel ei ausu (temerario contraire). Et si quis hoc attemptauerit; non solum indignacionis Regie, verum eciam false sue attemptacionis senciat vlcionem - - - - - magna parte sit empticia ipsius et in magna parte a domino Bela illustri Rege Hungarie, auo nostro, et nobis a - - - - - sicut in pluribus litteris, exinde confectis, dicitur contineri. Vt igitur hec nostra salubris concessio rata et firma in posterum perseueret, presentes eidem concessimus dupplicis sigilli nostri munimine roboratas. Datum anno Domini MşCCşLXXş nono.

(Az eredeti után Knauz Nándor, Magyar Sion III. köt. 459. l.)