In nomine Sancte Trinitatis et Indiuidue Unitatis ad perpetuam rei memoriam. Philippus Dei gracia Firmanus Episcopus, Apostolice Sedis Legatus, vniuersis Christi fidelibus presencium noticiam habituris salutem in omnium saluatore. Contractus sumentes inicium ab origine equitatis, presertim qui in causam accedunt seu ueniunt iudicati, auctoritatis et ratibabicionis debent munere ac munimimine solidari de gracia presidentis: cum ecclesiastice moderacioni omnino conveniens dinoscatur, ut que racionabiliter ordinata sunt et solempniter diffinata, nulla imposterum refragacione possint, uel debeant perturbari; sed sicut ea, que juris racio exigebat, utiliter oportuit stabiliri, ita inposterum, que juste diffinata sunt, nequeant per recidiue questionis scrupulum uiolari. Sane in nostra curia presencialiter et personaliter constitutis nobili uiro Vgrino filio Pous Comitis de genere Chak, Magistro Tauarnicorum domini Ladizlai Illustris Regis Vngarie ex una parte; et discretis uiris Magistris Ladizlao Strigoniensis et Reynaldo Sancti Thome in Promontorio Strigoniensi Prepositis, procuratoribus Ecclesie Strigoniensis ex altera; idem Magister Vgrinus libera et propria uoluntate, sciens se ad infrascripta non teneri, sed ex certa sciencia sua, sponte uendidit, tradidit, et concessit, dedit, cessit atque mandauit, seu in solutum dedit predictis Prepositis, procuratorio nomine ipsius Strigoniensis Ecclesie recipientibus et stipulantibus pro Capitulo eiusdem Strigoniensis Ecclesie quoddam palacium, quod idem Vgrinus habebat in ciuitate Strigoniensi super locum fori, cum omnibus domibus, curijs ac casamentis, fundis et areis; cui a parte septemtrionali quidam strictus vicus coheret, per quem descenditur usque ad flumen 247parui Danubij, et postmodum iuxta eundem Danubium paruum protenduntur termini usque ad domum Laurencij sutoris, sitam in area Monasterij de Moyk Premonstratensis Ordinis; et sic reuertuntur termini et limitaciones usque ad magnam plateam fori; et sic reuertuntuntur iterum ad strictum vicum, de quo superius est premissum; cum omnibus iuribus, accionibus, ingressibus, egressibus, utilitatibus, commodis, accessibus et pertinencijs suis, usque in uias et plateas publicas seu communes, ad habendum, tenendum, possidendum, uendendum, permutandum, locandum, fruendum, alienandum, usufructuandum et quicquid ipsi Capitulo placuerit, perpetuo et temporaliter faciendum, pro precio et solucione ducentarum martarom fini argenti, quas ducentas marcas discretus vir Magister Nycolaus filius quondam Ladizlai Bani, clericus, dare et soluere debebat et tenebatur nominate Strigoniensis Ecclesie Capitulo, secundum nostram diffinitiuam sentenciam, nulla appellacione uel supplicacione suspensam, pro satisfaccione et interesse iuiuriarum factarum et illatarum per ipsum Magistrum Nicolaum Canonicis et Capitulo Ecclesie antedicte, estimatarum de communi concordia et uoluntate parcium ad quantitatem quingentarum martarom puri argenti; pro quibus ducentis marcis nominatus Vgrinus dedit et concessit ac tradidit antedictum palacium cum suis pertinencijs et finibus in solutum seu uendicionis titulo, ut est dictum. De quibus ducentis marcis fecit per se et suos heredes, eis recipientibus et stipulantibus, pro Capitulo Ecclesie antedicte finem et refutacionem, absolucionem et liberacionem perpetuam, et expressum pactum de ulterius non petendo; renuncians excepcioni non uenditi et traditi, concessi seu cessi, siue in solutum dati dicti palacij non debite dicte quantitatis ducentarum marcarum ab ipso Magistro Nicolao Capitulo memorato, dali mali, sine causa, et ob causam et sine justa causa, decepcionis ultra dimidium iusti precii, et lesionis enormis, et omni alij excepcioni, accioni, defensioni et rei generali et speciali, reali et personali, et cuilibet alij iuris, consuetudinis, constitucionis et statuti, facti et faciendi auxilio, appellacioni, supplicacioni, et imploracioni restitucionis in integrum, militari et ex clausula generali, si qua iusta causa uidebitur, et omni beneficio et auxilio Juris Canonici 248et Ciuilis, sibi uel alteri pro eo competenti et competituro in perpetuum. Promittens sollempniter, quod non opponet per se uel alium, seu alios, quod huic contractui in totum uel in partem nocere, uel obesse possit, seu per quod effectus uendicionis siue in solutum dacionis huiusmodi impediri ualeat, uel infringi, seu quomodolibet retardari, uel eciam retractari. Quod palacium cum suis pertinencijs et finibus constituit se per se et suos heredes precario nomine dicti Capituli possidere, donec corporalem possessionem inde acceperint et habuerint cum effectu; quam intrandi, accipiendi, utendi et retinendi auctoritate propria per se uel alium seu alios eidem Capitulo dedit et concessit liberam potestatem. Promittens quod de dicto palacio et suis iuribus et pertinencijs nemini ius dedit aliquod uel cessit, quod presenti contractui posset esse nociuum; quod si datum vel concescessum apparuerit, promisit per se et suos heredes stipulacione solempni prefatis Prepositis recipientibus pro Capitulo antedicto, illud reaquirere suis pignoribus, sumptibus, laboribus et expensis, et ipsum palacium cum omnibus suis rebus et iuribus ac pertinencijs exobligare, et ipsum liberum et expeditum, et a nemine occupatum dare et tradere, et ipsum ab omni persona, vniuersitate seu collegio defendere, auctoritare et disbrigare, et in perpetuum indempne ipsum Capiiulum ab omnibus conseruare. Et predicta et infrascripta omnia et singula promisit et per stipulacionem solempnem, per se et suos heredes attendere et obseruare et adimplere cum effectu, sub obligacione omnium bonorum suorum mobilium et immobilium, presencium et eciam futurorum, sub pena dupli dictarum ducentarum marcarum; que pena tociens committatur et exigi possit et debeat cum effectu, quociens in aliquibus seu aliquo de predictis fuerit contrafactum. Quam penam prelibatus Vgrinus per se et heredes suos eidem Capitulo dare et soluere, ut dictum est, si in aliquo contrafecerit per se uel per alium, uel omnia et singula non seruaret, solempni stipulacione promisit; et pena soluta uel non, contractus iste firmus et illibatus permaneat omni tempore in totum et qualibet parte sui. Et insuper predictus Vgrinus tactis corporaliter sacrosanctis euangelijs iureiurando promisit et firmauit solempniter omnia et singula supradicta per se et suos heredes 249firma et illibata seruare, et in nullo alicuius rei pretextu, cauillacione, malicia, seu iugenio contrafacere uel uenire. Vt igitur premissarum uendicionis, in solutum dacionis, ratihabicionis et approbacionis nostrarum, stipulacionumque super diuersis articulis contractarum et expressarum superius series, firmitasque iuramenti per ipsum Vgrinum corporaliter prestiti, successiuorum lapsu temporum nequeant in ambiguitatis seu dubij scrupulum reuocari: omnia premissa et singina premissorum clare et expresse approbamus, ratificamus, et ex certa sciencia harum serie confirmamus, cum canonum regula paternorum decisa salubriter et solempniter diffinita; quibus presertim iurisiurandi religio accessit, nec uiolari paciatur, nec aliqualiter uacillare. Actum in castro Budensi anno Domini millesimo CCş LXXş nono, indiccione VII., Pontificatus domini Nicolai Pape tercij anno secundo, IV. kalendas Aprilis. Presentibus venerabili patre Lodomerio Dei gracia Episcopo Waradiensi, Magistro Johanne Electo, Benedicto Preposito, et Nicolao Canonico Colocensibus; Nicolao Preposito Sancti Yrenei, Magistro Gyroldo Archidiacono de Dobycha in Ecclesia Zagabriensi; nobilibus uiris laycis Demetrio filio Demetrij, Stephano et Pousa filijs Johannis, Georgio filio Symonis, et multis alijs testibus ad hec uocatis specialiter et rogatis.

Ad premissorum itaque perpetuam memoriam presentes nostro et predictorum venerabilis patris Lodomerij Waradiensis Episcopi, et Magistri Johannis Colocensis Electi sigillis fecimus communiri.

(Az eredeti után Knauz Nándor, Magyar Sion III. köt. 384. l.)