(M)atheus Palatinus Comes Supruniensis et Judes Cumanorum omnibus Christi fidelibus presentibus et futuris, ad quos presentes littere peruenerint, salutem in Domino sempiternam. Solent scripti patrocinio communiri, ne acta temporalia simul cum tempore a memoria dilabantur. Ad vniuersorum igitur noticiam harum serie volumus peruenire, quod accedentes ad nostram presenciam Vgra, Nicolaus et Valentinus Comites filij Comitis Ipoliti, exhibuerunt nobis patentes litteras Comitis Pauli filij Menzeu, Barch et Clementis Comitis vduornicorum de Symigio, sigillis eorundem consignatas, petentes cum instancia, ut nos ipsas litteras nostro priuilegio faceremus confirmari. Quarum quidem litterarum tenor is est:

Nos Comes Paulus filius Comitis Menzeu stb. (következik a IV. László királytól és a nádortól Somogymegyébe határrendezes végett kiküldött biztosoknak ugyan 1279-ki levele, mely olvasható az Árpádkori Új Okmánytár IV. kötetében a 213. lapon.)

Nos igitur iustis peticionibus eorundem filiorum Ipoliti acquiescentes predictas litteras de uerbo ad uerbum presentibus inseri faciendo nostro priuilegio fecimus communiri. In cuius rei memoriam firmitatemque perpetuam presentes concessimus litteras sigilli nostri munimine roboratas. Datum circa Thetin in festo Beati Jacobi Apostoli anno Domini Mş CCş LXXş nono.

(Eredetie bőrhártyán, melyről a nádor pecséte vörös-sárga selyemzsinóron függött, de már lemállott, a nemz. muzeum kézirat-tárában.)