Nos Johannes Dei gracia Archiepiscopus Spalatensis ad vniuersorum noticiam volumus peruenire: quod pecuniam taxatam per venerabilem patrem dominum Philippum Firmensem Episcopum et Sacrosancte Sedis Apostolice Legatum a Capitulo et a Monasterijs de Spalato de mandatis ipsius domini Legati recepimus, et illam in nos plenarie habemus; scilicet a Capitulo triginta libras denariorum paruorum; a Monasterio Sancti Stephani duodecim libras; a Monasterio Sancti Benedicti duodecim libras; a Monasterio Sancte Marie de Insula Solte duodecim libras denariorum paruorum pro qualibet marca argenti. Quam pecuniam totaliter et plenarie promittimus et obligamur ipsi domino Legato, vel cui ipse preceperit dare; absoluentes Capitulum et predicta Monasteria, racione ipsius Legati, a quo mandatum recepimus recipiendi predictam pecuniam ab omni impeticione pecunie memorate. In cuius rei testimonium et noticiam pleniorem presentes litteras nostri sigilli munimine fecimus roborari. Actum Spaleti anno Domini millesimo CCş LXXş VIIIIş die X. intrantis Junij.

(Hiteles másolata a bécsi cs. titkos levéltárban.)