A B C

Capitulum Budensis Ecclesie omnibus Christi fidelibus presentes litteras inspecturis salutem in Domino. Ad vniuersorum noticiam tenore presencium volumus peruenire, quod nobilis uir Petrus Comes filius Thyburcij Comitis ab una parte, Petrus et Nicolaus Comites officiales sororum Beate Marie de Insula pro eadem Ecclesia ex altera coram nobis personaliter constituti; prefatus Comes Petrus dixit et confessus est, porcionem suam quam habet in Pomaz centum sexaginta et quatuor iugerum contingencium, cum feneto uidelicet, terris arabilibus, duabus vineis, et uno loco vinee, ac omnibus alijs pertinencijs et attinencijs ipsius porcionis vniuersis, sub eisdem metis, signis et terminis, quibus hactenus idem Comes Petrus habuit et possedit, vendidisse et traditlisse dictis sororibus et Ecclesie Sancte Marie de Insula pro viginti marcis fini argenti perpetuo et irreuocabiliter possidendam; Tyburcio fratre eiusdem Comitis Petri, Iwan filio Kenez, et Benedicto filio Thome, cognatis suis personaliter astantibus, et huiusmodi vendicioni et empcioni consensum prebentibus et assensum; obligando se et suos heredes idem Comes Petrus, expedituros dictas sorores ab omni, que racione dicte porcionis processu temporis moueri contingeret questione suis proprijs laboribus et expensis. In cuius rei memoriam perpetuamque firmitatem presentes ad instanciam partis utriusque concessimus litteras sigilli nostri munimine roboratas. Datum per manus Magistri Ambrosij Lectoris Budensis anno Domini Mş CCş LXXş nono. Magistro Johanne 256Cantore, Laurencio Custode, Pangracio Decano, Zele et Johanne sacerdotibus, ceterisque Canonicis existentibus.

(Eredetie bőrhártyán, sárga-vörös selyemzsinóron függő pecsét alatt; a budai kir. kamarai levéltárban.)