Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium uolumus peruenire: quod Aladario filio Chethe 258Magistro Dapiferorum domine Regine ab vna parte, ab altera uero Dythbor, Symoun et Herborth filijs Detrici de Kych pro se et pro Dythk ac Langueus fratribus suis coram nobis personaliter constitutis, per Dythbor et fratres suos predictos propositum extitit, quod ipse Magister Aladarius super morte Mykou fratris eorundem, ipsis et fratribus suis supradictis plenam satisfaccionem exhibuisset, quadraginta marcas pro ipsa morte eisdem persoluendo; et terram ipsius Magistri Aladarij Fay uocatam, quam racione ipsius mortis pro quin decim marcis acceperant ab eodem, propter bonum pacis, eidem pleno iure reddidissent et remisissent possidendam et habendam. Dicimus eciam quod Dythbor, Symoun et Herborth supradicti obligauerunt se et fratres suos ac heredes eorundem, ipsum Magistrum Aladarium et heredes eiusdem ab omnibus racione premisse mortis inpetere nitentibus defendere et expedire proprijs laboribus et expensis. In cuius rey testimonium ad instanciam parcium presentes contulimus sigilli nostri munimine roboratas. Presentibus tamen Magistro Bartholomeo Preposito, Anthonio Cantore, Saulo Lectore, Miko Custode; Marco de Patha, Ladizlao de Zemlen, Paulo de Kemey, Johanne de Sumbun Archidiaconis et alijs multis; anno Domini Mş CCş LXXş nono. Regnante Ladizlao illustri Rege Hungarie, Strigoniense Sede uacante, Johanne Colocensi Electo; et domino nostro venerabili patre Andrea Episcopo Agriensi existentibus.

(Eredetie bőrhártyán, a függő pecsét elveszett; a budai kir. kamarai levéltárban.)