Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire; quod Petrus filius Johannis de Myske vna cum Gregorio filio suo, et Emericus filius Pouka consanguineus eiusdem de eadem, ut dicebant, ad nostram personaliter accedentes presenciam, proposuerunt viuauoce, quod quandam particulam terre de terra ipsorum hereditaria Myske vocata ad vsum vnius aratri sufficientem, a parte septemtrionali iacentem, metis vndique limitatam et distinctam, Zaheus filio Cherne de eadem Myske, sicut dixit, genero suo, coram nobis personaliter constituto, propter vnionem proximitatis, duabus marcis receptis ab eodem, dedissent et contulissent sibi et suis heredibus heredumque successoribus perpetuo iure possidendam; obligantes se et suos heredes, ab omnibus ipsum Zaheus ac heredes eiusdem racione predicte particule terre molestare nittentibus, defendere et expedire proprijs laboribus et expensis. Et Gnebe filius Zathmar consanguineus ipsorum, commetaneus eiusdem terre, ut dixit, pro se et pro Opoy ac Michaele fratribus suis coram nobis astans, huic collacioni consensum prebuit et assensum. Cuius eciam particule terre, sicut ijdem coram nobis recitarunt, mete taliter distinguntur: Egreditur a plaga orientali iuxta quendam fluuium Gungus vocatum sub quadam salice, et per directam lineam a parte septemtrionali iuxta ecclesiam Sancti Benedicti transit vsque ad Bodunteluky, et ibi terminatur. In cuius rei testimonium ad instanciam predictorum pesentes contulimus sigilli nostri munimine roboratas. Presentibus tamen Magistro Anthonio Cantore, Mikou Custode, et alijs multis, anno Domini millesimo ducentesimo septuagesimo nono. Regnante Ladizlao Illustri Rege Hungarie, 260Strigoniensi et Colocensi Sedibus vacantibus; et domino venerabili patre Andrea Episcopo Agriensi existente.

(Az egri káptalannak 1334-ki átiratából, a budai kir. kamarai levéltárban.)