Ladizlaus Dei gracia Hupgarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus presens scriptum inspecturis salutem in omnium saluatore. Regali Excellencie conueniens est ac expedit Maiestati, vt ea que sunt vtilia et expedire videntur voluntati (?), si a suis subditis ablata, et in suos vsus translata cernat, ac litterjs alijs auferenda duxerat, tali recompensacione prouideat, vt permutacionis contractus possessoribus concambium celebrantibus ex munificencia Regie largitatis meliori sorti efficaciter prospici videatur, non iacturam. Proinde ad uniuersorum noticiam harum serie volumus peruenire: quod dilecto et fideli nostro Finta Palatino, Comite Supruniensi et Simigiensi, Judice Cumanorum ab vna parte, Benedicto filio Johannis et Marcello filio Chypan coram nobis constitutis ex altera; idem Finta Palatinus a nobis instantissime supplicando postulauit, vt quandam terram Belese vocatam, quam ipsis Benedicto et Marcello mediante nostro priuilegio pro multiplicibus seruicijs et fidelitatibus suis nobis inpensis contuleramus, eisdem Benedicto et Marcello in permutacionis seu concambij contractum consencientibus, sibi de gracia speciali conferamus, et in soncambium seu permutacionem ipsius terre Belese, prefatis Benedicto et Marcello quandam terram Castri nostri de Vngh Velicha Palagia vocatam, quam iam olim Finta Palatino contuleramus, ex Regia libertate dare eis dignaremur. Nos igitur permutacionis seu concambij contraetum superius notatum ratum et firmum habentes, tanquam legitime approbatum Regij consensus et approbacionis munimine roboramus; imo ad maiorem certitudinem rei et efficaeiam, prefatam terram Velicha Palagia nominatam, a memorato Castro exceptam penitus et exemptam, prefatis Benedicto et Marcello, et eorum fratribus, et per eosdem suis heredibus 270heredumque suorum successoribus, cum omnibus vtilitatibus et pertinencijs suis, sub metis antiquis et terminis, quibus dictum Castrum eam dignoscitur possedisse, Regia authoritate dedimus, donauimus et contulimus iure perpetuo possidendam. Datum anno Domini millesimo ducentesimo octuagesimo.

(A leleszi konventnek 1643-ki átiratából, a budai kir. kamarai levéltárban.)