Ladizlaus Dei gracia Vngarie, Dalmacie, Crouacie, Rame, Seruie, Gallicie, Lodomerie, Comanie Bulgarieque Rex vniuersis Christi fidelibus presentes litteras inspecturis salutem in omnium saluatore. Munitur gubernaculum, ampliatur regimen, cum bellatorum numerus continuis crescit incrementis. Proinde ad uniuersorum tam presencium quam futurorum (noticiam) harum serie uolumus peruenire; quod Comes Mathey fidelis et familiaris tauarnicus noster ad nostram accedens presenciam de nostra Maiestate Regia humiliter supplicando postulauit, ut ipsum ob merita seruiciorum suorum nobis inpensorum, et per eum Zumbot fratrem suum, Farcasium et Bacsz filios Bene, Gyroult (et) Augustinum filios Gregorij, Helys et Kemyn cognatos suos de uilla Tymar, de populis tauarnicorum nostrorum oriundos, ab honere ipsius tauarnicatus eximere cum terra ipsorom in uilla Tymar existenti, et in cetum ac collegium Regalium seruiencium nostrorum transferre dignaremur. Nos itaque, quem Regia inducit benignitas pro meritis fidelium respondere, consideratis seruicijs ipsius Comitis Mathey, que ab adolescencie sue temporibus, primo domino Stephano Regi patri nostro karissimo inclite recordacionis inpendit, et demum cum nos dicto Rege Stephano 271patre nostro ingresso viam carnis vniuerse, Regni gubernaculum et Regis solium adepti fuissemus iure et ordine geniture; quia dictus Comes Mathey in domo nostra iugiter famulando ex diuersis actibus suis, et conspicuorum seruiciorum suorum generibus multipliciter coram oculis nostre Maiestatis meruit commendari, et ob fidelitatem Corone Regie debitam se diuersis fortune casibus submittere nunquam formidauit, uoluntatem et preceptum nostrum sagaciter in omnibus loco et temporibus oportunis efectui mancipando, eo eciam tempore, cum Regnum nostrum per bellum intestinum et extrinsecum puericie nostre temporibus fere ad exinanicionem uirtutis extretne deuenerat, idem Comes Mathey in legacionibus nostris multiplicibus insudando, in omnibus et per omnia pro commodo Regni nostri inuigilando nostram efecit voluntatem; in recompensacionem ipsius Comitis Mathey seruiciorum nobis cum diligencia summe fidelitatis inpensorum, ut superius est expressum, et que nobis inpendere poterit in futurum: ipsum Comitem Mathey, et per eum Zumbot fratrem suum vterinum, Farcasium, Bocsz, Gyrault, Augustinum, Heylus et Kemyn cognatos suos antedictos, de condicione tauarnicorum nostrorum cum terris ipsorum in uilla Tymar existentibus, duximus ex liberalitate Regia exhimendos tam pure et simpliciter, ut de cetero idem Comes Mathey, frater, et cognati sui memorati, et eorum heredes, heredumque suorum successores super terris ipsorum in uilla Tymar existentibus illa et eadem gaudeant libertate, qua ceteri nobiles Regni nostri perfruuntur sub uexillo Regio militantes. In cuius rei memoriam firmitatemque perpetuam presentes concessimus litteras dupplicis sigilli nostri munimine robortas. Datum per manus discreti viri Magistri Bartholomei aule nostre Vice-Cancellarij dilecti et fidelis nostri anno Domini Mş CCş LXXXş, XVş kalendas Septembris, indiccione octaua, Regni autem nostri anno octauo.

(Eredetie bőrhártyán, a vörös-zöld selyemzsinóron függött pecsét elveszett, a budai kir. kamarai levéltárban.)