Ladizlaus Dei gracia Hungarie, Dalmacie, Crowacie, Rame, Seruie, Gallicie, Lodomerie, Comanie Bulgarieque Rex vniuersis Christi fidelibus presentibus pariter et futuris presentes litteras inspecturis salutem in eo, qui Regibus eternam dat salutem. Ad vniuersorum noticiam tenore presencium volumus peruenire, quod Demetrius filius Hunth Comes Borsiensis fidelis noster, quandam terram condicionariorum nostrorum Chery uocatam in Comitatu Huntensi existentem, petiuit a nobis sibi dari, dicendo eandem uacuam et habitatoribus destitutam. Verum quia de qualitate ipsius terre, utrvm uacua sit nec ne, aut ad nostram pertineat collacionem, nobis ueritas non constabat; fidelibus nostris Preposito et Conuentui de Saag nostris litteris dederamus in mandatis, ut mitterent hominem ipsorum fidedignum pro testimonio cum Ananya homine nostro, coram quo idem homo noster predictam terram, conuocatis commetaneis omnibus et uicinis iuxta ueteres metas reambulando statueret ipsi Demetrio Comiti possidendam, si non fieret contradictum; contradictores uero, si qui fierent, ad nostram citaret presenciam ad terminum competentem, et posthec terminum assignatum, nomina citatorum, et tocius facti seriem dicti Prepositus et Conuentus nostre fideliter rescriberent Mayestati. Qui demum nobis rescripserunt in hec uerba:

Excellentissimo Domino suo Ladizlao stb. (következik a sághi konventnek jelentése, mint alább a 206. sz. a.)

Nos igitur consideratis fidelitatibus et seruicijs dicti Demetrij Comitis, que et quas idem nobis in diuersis expedicionibus Regni nostri exhibuit laudabiliter et deuote, et exhibere poterit in futurum; prenominatam terram Chery uocatam cum omnibus utilitatibus suis sub antiquis metis et terminis, quibus eadem per priores suos possessores limitata 274fuerat et possessa, dedimus, donauimus, contulimus atque tradidimus prenominato Demetrio Comiti, et per eum suis heredibus, heredumque suorum successoribus, iure perpetuo et irreuocabiliter possidendam. In cuius rei memoriam perpetuamque firmitatem presentes litteras concessimus dupplicis sigilli nostri munimine roboratas. Datum per manus discreti viri Magistri Achonis aule nostre Vice-Cancellarij dilecti et fidelis nostri anno Domini Mş CCş octuagesimo, VIII. kalendas Aprilis, Regni autem nostri anno octauo.

(Eredetie bőrhártyán, melynek alsó része a függő pecséttel együtt ki van vágva, a m. b. Nyáry család bagonyai levéltárában. Közölte velünk m. b. Nyáry Albert úr.)