Nos Capitulum Chasmensis Ecclesie memoria commendamus, quod Nicolaus filius Comitis Miske ad nostram personaliter accedens presenciam totam terram seu possessionem suam existentem in Viz in Districtu Symigiensi (quam ipse et pater) suus tenuit et possedit, cum omnibus pertinencijs et adiacencijs, vineis uidelicet, siluis, fenilibus, domibus, et edificijs, ac alijs utilitatibus suis, confessus (est se con)tulisse et assignasse domino nostro Regi pro concambio seu commutacione terre Chorog (?) - - - - dandam et conferendam per ipsum dominum Regem sororibus de Insula Beate Virginis, pro quibus (frater Augustinus, et Petrus) socius eiusdem, nomine procuratorio earundem coram nobis personaliter constituti, eiusdem Nicolay protestacionem super premisso concambio factam affirmantes assumpserunt, vt super facto premissi concambij domini Regis, Budensis et Albensis Capitulorum et nostra priuilegia faciant emanare; quibus priuilegijs idem Nicolaus super confirmacione prefati concambij habitis et optentis priuilegia seu instrumenta, quorum auctoritate dictam terram ipse et pater suus tenuisse dinoscitur, in manus predictorum fratrum assignare tenebitur coram nobis, ut assumpsit; predictam autem terram idem Nicolaus procuratoribus predictarum sororum auctoritate presencium assignauit. Datum quinta feria post festum Beati Egidij anno Domini millesimo ducentesimo octuagesimo.

(Eredetie bőrhártyán, a hátul oda nyomott pecsét elveszett, a budai kir. kamarai levéltárban.)