Andreas miseracione Diuina Prepositus et Conuentus Ecclesie de Chorna omnibus in Christo credentibus, ad quos presentes deuenerint salutem in eo, qui omnibus dat salutem. Ad uniuersorum noticiam harum serie uolumus peruenire, quod Paulus filius Bubeu de villa Vadosfolua ab una parte; Andreas filius Moysa ex altera coram nobis personaliter constituti; idem Paulus quandam possessionem suam in eadem terra Vodos existentem, de qua possessione viginti jugera terrarum arabilium, que prefato Andree et cognatis suis iuxta continenciam litterarum domini Stephani predecessoris nostri Prepositi uendiderat, sicut in eisdem plenius exprimuntur (igy) de consensu et beneplacito cognatorum, suorum, scilicet Rolandy et Ladyzlay, Nycolay et Lau(rencij) filiorum Bank, Peterke ac Endre fratris predicti Andree, cum omnibus vtilitatibus suis et pertinencijs, cum terris arabilíbus, locis sessionalibus, campis, pascualibus et alijs quibuscunque suis vsibus, plenius vsitatis confessus est vendidisse predicto Andree, et per eum suis heredibus, heredumque suorum successoribus pro quiuque marcis denariorum Viennensium decem pensas pro marca computando, irreuocabiliter perpetuo possidendam, tenendam pariter et habendam; quas quidem quinque martas iam dictus Paulus dixit se plenarie recepisse. Vicini autem circumiacentes isti sunt: ab oriente Peterke prescriptus, a parte meridionali Nycholaus et Laurencius filij Bankonis; de parte uero occidentali ipsi iidem. In cuius memoriam firmitatemque perpetuam ad petitionem parcium presentes dedimus sigillo Ecclesie nostre communitas. Datum anno Domini Mş CCş octogesimo in octauis Archangeli Mychaelis.

(Eredeti bőrhártyán, a pecsét elveszett.)