Excellentissimo Domino suo Ladizlao Dei gracia illustri. Regi Hungarie Prepositus et Conuentus Fratrum Ordinis Premonstratensium de Saag oraciones in Domino. Receptis litteris Uestre Magnificencie misimus hominem nostrum fidedignum cum Ananya homine uestro pro testimonio, qui postmodum cum eodem homine uestro ad nos reuersus dixit, quod idem homo uester quandam terram Chery uocatam, uacuam et habitatoribus destitutam, coram commetaneis et uicinis iuxta ueteres metas et signa reambulasset et statuisset Demetrio Comiti filio Hunth, nemine contradictore existente.

(IV. László király 1280-ki adományleveléből, mint fentebb. 192. sz. a.)