Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentes litteras inspecturis salutem in omnium saluatore. Ad vniversorum noticiam tenore presencium volumus peruenire, quod cum nos quendam equm (igy) rubri coloris a Comite Erdev dilecto et fideli nostro, nostre Regie Celsitudini congruentem, pro ducentis marcis argenti contparassemus, et ea uice propter pecunie nostre defectum ipsam sommam pecunie sibi non potuissemus adimplere; presentibus Baronibus nostris, Petro videlicet Magistro Tawarnicorum nostrorum. Johanne Judice Curie nostre Comite Borsiensi, Demetrio Comite Posoniensi, et Joanea Comite Nitriensi, dilectis et fidelibus nostris, quandam uillam nostram Nempti vocatam, ad predium nostrum de Zolum pertinentem, de eodem predio nostro exceptam penitus et exemptam, cum omnibus vtilitatibus et pertinencijs suis universis, ipsi Comiti Erdeu, pro predictis ducentis marcis pro tempore duximus obligandam. Ita videlicet, quod idem Comes Erdeu prenotatam villam Nempti possidere, tenere et prouentus eiusdem ad modum hereditarie possessionis sue percipere valeat; donec ipse ducente marce per nos eidem fuerint plenarie persolute. In cuius rei memoriam firmitatemque perpetuam presentes eidem concessimus litteras dupplicis sigilli nostri munimine roboratas. Datum per manus discreti viri Magistri Achonis aule nostre Vice Cancellarij dilecti et fidelis nostri anno domini Mş CCş octuagesimo primo. XI. kalendas Maij, Regni autem nostri anno octauo.

(Az eredeti után Knauz Nándor Magyar Sion III. köt. 461. 1. O. ö. Fejér Cod. Dipl. V. köt. 3. r. 93. l.)