Nos Ladizlaus Dei gracia Rex Hungarie tenore presencium declaramus quibus expedit vniuersis, quod ob preclara et insignia seruiciorum merita Nicolai dicti Weich, et Werunharth ac Gebret ac Corrardi filiorum Ertug, militum Johannis Palatini dilecti et fidelis nostri, que nobis in diuersis expedicionibus Regni nostri, et specialiter sub castro Gede tunc, cumcontra Fintam infidelem nostrum exercitum habuimus, exibuerunt; quandam terram Albert vocatam in confiuibus Teutonicorum in Comitatu Hydegsed vocato existentem, ab eis alienatam, nunc vacuam et hahitatoribus carentem, ipsis Nicolao, Werunharth, Gereth et Corrardo reddidimus et restituimus, ymo de nouo dedimus, donauimus, tradidimus et contulimus de plenitudine nostre gracie sub eisdem metis, terminis et limitibus, quibus eadem terra limitata extitit et possessa, perpetuo possidendam. Datum anno Domini Mş CCş LXXXş primo.

(Robert Károlynak „Magnificus vir Comes Alexander de Kuchk Judex Curie nostre” kéréséért 1328. kiadott megerősítő privilegiumából; a főmélt. herczeg Batthyáni család levéltárában.)