Ladizlaus Dei gracia Rex Hungarie fidelibus suis Capitulo Albensi salutem et graciam. Dilecti et fideles nostri Capitulum Ecclesie Wesprimiensis dicunt nobis, quod quoddam priuilegium vestrum incisum medio alphabeto super empcione porcionis Michaelis filij Balad in territorio ville Kinus Beren vocate existentis sub vestro sigillo pro cis confectum, in vastu et spolio Petri Palatini inter alia bona eiusdem Ecclesie Wesprimiensis amisissent, cuius aliud par similiter alphabeto incisum in camera Ecclesie vestre iuxta Ecclesie consuetudinem esset reseruatum. Vnde cum nemini in suo jure deesse debeamus, fidelitati vestre precipiendo mandamus, quatenus aliud par dicti priuilegij in camera Ecclesie vestre diligenter et fideliter inquiri faciatis, et inuentum vestro renouetis privilegio; cauentes tamen, ne in hoc fraus committi valeat siue dolus. Datum Bude in festo Inucencionis Sancte Crucis.

(A székesfehérvári káptalannak ugyan 1281-ki kiadványából mint alább 222. sz. a.)