Capitulum Jauriensis Ecclesie omnibus Christi fidelibus presentem paginam inspecturis salutem in Domino sempiternam. Ad vniuersorum noticiam tenore presencium volumus peruenire, quod Jakabus filius Zubuzlou de Vlchey ab una parte, Comes Gregorius filius Petri de genere Osl ab altera coram nobis constituti, idem Jakabus presente Jacobo filio suo quartam partem terre Gyololia, quam dominus Bela Rex felicis recordacionis eidem Jakabus pro meritis seruiciorum suorum contulerat, sicut in eiusdem priuilegio uidimus contineri, eiden. Comiti Gregorio pro iniurijs datis, dampnis, homicidijs, captiuacionibus, detencionibus, incendijs, et pro alijs quibuslibet iniuriarum generibus usque datam presencium contra dictum Comitem Gregorium perpetratis, cum omnibus utilitatibus et pertinencijs, et cum medietate loci cuiusdam molendini in Rabcha in eadem terra existentis a plaga orientali adiacentem perpetuo possidendam et habendam; quam quidem quartam partem cum predictis omnibus utilitatibus et loco molendini dictus Comes Gregorius in instanti uendidit de permissione eiusdem Jakabus, Boy et Stephani Comitum tanquam de consensu commetaneorum, qui adherant, Gogano et Adriano Comitibus filijs Herbordi de Bozty pro decim marcis, quas se dixit ab eisdem recepisse, per heredes et heredum eorum successores perpetuo et irreuocabiliter possidendam; assumendo, quod quicunque successu temporis ipsam quartam partem uendicioni expositam inpediuerit, dictus Comes Gregorius expediet proprijs laboribus et expensis. In cuius rei memoriam et perpetuam firmitatem presentes litteras concessimus nostro sigilio roboratos. Datum anno Domini Mş ducentesimo octagesimo primo. Magistro Carachino Ecclesie nostre Preposito, Abraam Cantore, Dominico Lectore, Mykou Custode existentibus.

(Eredetie bőrhártyán, melynek zöld selyemzsinóron függött pecsétje már lehullott, a nemz. muzeum kézirattárában.)