Frater Marcus Prior et Conuentus Cruciferorum Ecclesie Sancte Trinitatis de Calidis Aquis omnibus Christi fidelibus presens scriptum inspecturis salutem in Domino sempiternam. Ad uniuersorum noticiam tenore presercium uolumus peruenire, quod Magister Andreas filius Nycolai de Scyud ab vna parte, Paznan et Nycolaus de Chalamia, Laurencius et Elekus filii Felicianj de Eghazaschalamia, Lampertus et Stephanus filii Nycolaj de Leze - - de genere Hunth Paznan ab altera, personaliter coram nobis constituti, (confessi sunt) quod cum super facto metarum destructarum cuiusdam terre eiusdem Magistri Andree Kuarzeg uocate inter ipsas partes lis et controuersia fuisset mota et susscitata, tandem mediante arbitrio proborum virorum ab utraque parte adductorum coram nobis arbitrantibus, visis litteris priuilegialibus domini Regis Bele felicis recordacionis per ipsum Andream nobis, et ipsis arbitratoribus ac parti aduerse exhibitis, nec eciam ipsis contradicentibus in aliquo super facto metarum ipsius terre Kuarzeg uocate Castri Hontensis, prout in eisdem litteris priuilegialibus domini Regis mete supradicte terre a terris Paznan, Nycolaj, Laurencij, Lamperti ac aliorum predictarum parcium distingebantur et separabantur, in eadem qualitate et quantitate, ipsi videlicet Paznan, Nycolaus, Laurencius, Elek, Lampertus et Stephanus sepedicti per amicabilem composicionem coram nobis factam, et propter pacis vnionem reliquerunt et resignauerunt ipsi Magistro Andree ipsam terram Kuarzeg uocatam sub eisdem metis pacifice possidendam et habendam. Cuius quidem terre cursus metarum in eisdem litteris priuilegialibus domini Regis Bele coram nobia exhibitis in hunc modum distingebantur. Prima meta incipit a parte orientali de terra Kuarzeg vocata, vbi sunt due mete terree iuxta fluuium Ipul, et ibi cadit ad ipsum fluuium Ipul; deinde autem terdit versus meridiem ad terram Lamperti, que Ryba uocatur, et currit in aqua per magnum spacium eundo; et ibi ueniet ad Haradissa castrum in vnum nemus ad occidentam, quod uulgo dicitur holm; et prope illum monticulum parum descendendo sunt due mete terree; et in eodem nemore est vna via, que exit de illo nemore, et transit vnam magnam viam; et inde terdit per terras arabiles ad vnam paruam siluam, que (uulgo) vocubulo erestewen dicitur, sub cuius fine sunt due mete terree; et sic iusta illam siluarc currit uersus metas priores, ubi sunt commetanei nobiles de Chalamia; que quidem situa seu herestewen omnino remanet intra metas ad terram Kuarzeg uocatam et prenotatam, et sic terminantur. Quibus vero litteris inspectis comperimus in eisdem, ipsam terram Comiti Nicolao patri eiusdem Andree a domino Bela Rege pro mentorijs seruiciis eiusdem collatam et donatam. Rogans eciam nos idem Magister Andreas cum instancia, ut millenarium numerum priuilegii iam dicti in scriptis presentibus inseri faceremus; cuius millenarius est in hunc modum: Anno Dominice Incarnacionis Mş CCş quadragesimo quarto decimo kal. Maij, Regni autem ipsius Regis Bele vicesimo. Assumpmentes eciam ijdem Paznan, Nicolaus, Laurencius, Elek, Lampertus et Stephanus sepenominati, quod littere priuilegiales, si que per eosdem fuissent emerse uel contra eundem Magistrum Andream super facto predicte terre; pro cassis et uanis haberentur, perpetuum silencium ipsis litteris dictis imponendo. Anno Domini Mş C.Cş octuagesimo primo.

(A váczi káptalannak 126-ki átiratából, melyet közölt tek. Szentkirályi László úr. IV. Béla királynak 1244-ki adománylevelét lásd Fejérnél Cod. Dipl. IV. k. I. r. 335. l.)