Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentes litteras inspecturis salutem in salutis largitore. Ad vniaersorum noticiam tenore presencium volamus peruenire: quod nos consideratis fidelitatibus et seruiciorum meritis Comitis Sygue filij Thomoy, que nobis indefesse fidelitatis studio sollerti cura exhibuit propter Corone fidelitatem, et Regie remuneracionis ob respectum; specialiter tunc, quando generalem conflictum in Houd habuimus, idem Comes Sygue coram oculis nostre Mayestatis conniuentibus ad aciem ipsorum inimicorum nostrorum se imposuit, letaleque wlnus acceptauit. Nos igitur cupientes eundem amplecti Regio fauore, et speciali prerogatina congaudere, et vt ceteri forcius ad fidelitatis opera accendatur: eidem ex Regali munificencia quandam terram Castri nostri Borsua adiacentem, in Comitatu de Zotmar existentem, Myrgusd vocatam, inter terras Tereche, Bogda, Karaz, Vylok, Buhud similiter adiacentem, nomine terre seu possessionis sine herede decedentis, nostreque collacioni pertinentem, per veteres methas et distincciones antiquas per hominem Capituli Waradiensis Ecclesie nullo contradicente seu superueniente reambulatam, vt in litteris dicti Capituli vidimus lucide et manifeste explanari, ex mera nostra liberalitate sub certis methis et distinccionibus dedimus, donauimus et contulimus iure perpetuo eidem Comiti Sygue, et per eum suis heredibus heredumque suorum successoribus eandem terram irreuocabiliter possidendam et habendam pleno iure; et in corporalem possessionem dicte terre per hominem nostrum nomine Paulum filium Suuk fecimus introduci, et libere permittentes eandem possidere. In cuius rei memoriam perpetuamque firmitatem, ne lapsu temporum per quempiam ipsa nostra donacio valeat in aliquo retractari, eidem super dicta donacione concessimus litteras dupplicis sigilli nostri munimine roboratas. Datum in Zolum per manus discreti viri Magistri Bartholomei aule nostre Vice-Cancellarij dilecti et fidelis nostri anno Domini Mş CCş LXXXş secundo, Regni autem nostri decimo.

(Robert Károly királynak 1319. XVI. kalendas Februarij „Magister Rorandus filius Thome filij Syge” kérésére kiadott megerősítő privilegiumából; a tek. Kállay család levéltárában.)