Ladizlaus Dei gracia Rex Hungarie memorie commendantes significamus quibus expedit vniuersis presencium per tenorem: quod Comes Elyas de Bogda ad nostram accedens presenciam dixit, quod quandam terram suam Kuskyrch uocatam, quam ex collacione domini Regis Stephani pie memorie patris nostri karissimi se dicebat possidere, ad duo aratra sufficientem, in Comitatu de Borsua existentem, propter merita seruiciorum Symonis filij Ywan et Petri filij Prybyzlai, que eidem fideliter impenderunt, dedisset et contulisset eisdem Symoni et Petro seruientibus suis, et per eum (igy) suis heredibus heredumque suorum successoribus in perpetuum possidendam; eo modo, eaque plenitudine, secundum quod idem Comes Elyas ex collacione eiusdem patris nostri tenuit et possedit: petens cum instancia, vt nos ipsam collacionem admittere, et nostris patentibus litteris confirmare dignaremur. Nos itaque peticiones ipsius Comitis Elye iustas et legitimas Regio admisimus eum fauore, predictam terram Kuskyrch eisdem Symoni et Petro, seruientibus dicti Comitis Elye, in filios filiorum auctoritate presencium confirmando fecimus stabiliri in perpetuum possidendam; quemadmodum idem Comes Elyas tenuit et possedit usque modo. Datum sub castro Potok in festo Marie Magdalene anno Domini Mş CCş LXXXş secundo.

(Eredetie bőrhártyán, a hátul oda nyomott pecsétnek töredéke megvan; a tek. Kállay család levéltárában.)