Martinus Episcopus servus serverum Dei venerabili fratri Michaeli Archiepiscopo Antibarensi, salutem et Apostolicam benedictionem. Ex suscepte servitutis officio sollicitudine pulsamur assidiua, ut Ecclesias spiritualibus et temporalibus commodis augeamus, et earum maxime per debite provisionis ministerium necessitatibus consulamus salubriter, que dinoscuntur pastoris solatio destitute. Dudum siquidem, cum in Antibarensi Ecclesia per obitum bone memorie T. Antibarensis Archiepiscopi vacante pastoris diversis temporibus electiones fuissent successive de ipsis variis multiplices celebrate, tandem nonnullis ex electis huiusmodi ante confirmationis super hoc obtentum beneficium viam vniverse carnis ingressis, reliquis vere renuntiantibus iuri, si quod erat eis ex electionibus huiusmodi acquisitum, Capitulum Ecclesie predicte pro futuri substitutione pontificis, vocatio omnibus, qui voluerunt, debuerunt et potuerunt commode integesse, die ad hoc prefixa in Capitulo ipsius Ecclesie convenientes in unum, ac tandem ad electionem huiusmodi per viam compromissi procedere cupientes, Zete ac Nathali Canonicis ipsius Ecclesie providendi ea vice de pastore ipsi Ecclesie concesseruut unanimiter potestatem; promittentes illum in Archiepiscopum retigere, quem ipsi ducerent eligendum. Qui huiusmodi potestate recepta, secedentes in partem, et demum consideratis meritis personarum, que tanto congruerent oneri et honori, in te tunc Canonicum Catharensem suum direxerunt consensum, et prefatus Zeta suo et eiusdem sui college nomine te in dicto Capitulo in Antibarensem Archiepiscopum postulando elegit, et eligendo etiam pestulavit. Porro cum prefati Capitulum electionem huiusmodi presentatam nobis ex parte ipsorum postulassent humiliter confirmari, tu fugere cupiens presidentie onus, iuri, si quod tibi ex electione huiusmodi de te celebrata competebat, in manibus venerabilis fratris nostri Episcopi Albanensis, cui hoc specialiter commisimus, sponte ac libere resignasti. Nos itaque huiusmodi resignatione recepta, de salubri, ut tenemur, provisione ipsius Ecclesie cogitantes, ut eius diutine viduitatis lacrimas dono votive consolationis siccaremus, ipsius per consequens dispendiis occurrentes, in te virum utique, ut habet assertio fidedigna, munditia vite et morum gravitate laudabilem, in spiritualibus providum et temporalibus circumspectum, dilectumque, tuis exigentibus meritis carissimo in Christo filio nostro... Regi Serbie Illustri, ac Clero et populo Antibarensi acceptum direximus oculos mentis nostre. Quapropter sperantes, quod predicta Ecclesia auctore Domino tue gubernationis ministerio spiritualiter et temporaliter donis optate prosperitatis gaudebit, te de fratrum nostrorum consilio eidem Ecclesie Antibarensi in Archiepiscopum prefecimus et pastorem, tibique postmodum fecimus per venerabilem fratrem nostrum... Episcopum Tustalanum munus consecrationis impendi. Quocirca fraternitati tue per Apostolica scripta mandamus, quatenus huiusmodi oneris iniunctum tibi a Domino ministerium suscipiens reverenter, ad predictam Ecclesiam Antibarensem in humilitate spiritus te transferre procures, et gregem tibi creditum sic pascas sermone et opere ac exemplo, et dictam Ecclesiam Antibarensem sponsam tuam ornare varietate virtutum, et augere studeas muneribus celestibus et terrenis, quod ex hoc et aliis tuis piis actionibus ad eterna tabernacula merearis vocari in extremo examine cum electis. Datum apud Montem Flasconem X. kalendas Decembris, Pontificatus nostri anno secundo.

In e. m. dilectis filiis... Archidiacono et Capitulo Antibarensi, populo Civitatis Antibarensis et universis Suffraganeis Ecclesie Antibarensis; et carissimo in Christo filio... Regi Serbie.

(Theiner Ág. Vetera Monumenta Slavorum Meridionalium Historiam illustrantia I. köt. 98. l.)