Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presentem paginam inspecturis salutem in omnium saluatore. Regie Sublimitatis exquirit officium, ibi molem inponere largicionis et gracie, vbi fidelitatis eximie exuberat meritum et procedit. Proinde ad uniuersorum noticiam harum serie uolumus peruenire: quod eum Zaheus filius Adriani de partibus Sclauonie inter intestina prelia et hostes congestos nocumenta, maleficia et spolia plurima commisisset, ut quasi promiscuorum maleficiorum perpetracio inter alios malicie actores sibi nequeat specialiter inputari; in exaggeracionem eciam sue iniquitatis et nequicie, preter indictum preceptum Regium, ymo pocius contra edictum pariter et indictum, ad obsidendum et expugnandum ac optinendum castrum Comitis Germani et fratrum suorum fidelium nostrorum, suo motu proprio eleuato temerarie uexillo, tam inhumaniter quam infideliter cum suis complicibus sibi adunatis in scelere processisset, ibique inter consertos et defendencium manus sue perniciositatis noxijs obligatus, sicut meruit, fuerat interhemptus, nullo in rebus humanis heredum solacio legitime derelicto, sicque omnibus bonis eius, possessionibus in rebus mouentibus (igy) et se mouentibus, seruis videlicet et ancillis, possessionibus prediorum, hereditariarum, empticiarum, acquisitarum, seu quolibet alio titulo ad eum pertinencium, de iure et ex Regni cousuetudine approbata ad manus nostras Regias vniuarsaliter deuolutis, nos censentes ex animo, sicut detet et expedit, quid demereatur infidelitatis socordia, quidue perspicua fidelitas mereatur: vniuersas possessiones dicti Zahey absque heredis solacio, maxime in infidelitate decedentis, tam hereditarias scilicet, empticias, acquisitas, seu quouis iusto titulo adeptas nec non seruos et ancillas eiusdem, venerabili patri Thome Episcopo Waciensi, aule domine Regine consortis nostre karissime Cancellario, dilecto et fideli nostro, ob merita fidelium obsequiorum ipsius nobis fideliter inpensorum, et fratribus suis Cristoforo videlicet, Comiti Johanni et Stephano, ac heredibus eorundem heredumque suorum in posterum successoribus, de plenitudine nostre gracie Regie et fauoris, dedimus, tradidimus, donauimus et contulimus pure et simpliciter iure perpetuo pacifice possidendas; ipsumque venerabilem patrem et fratres suos in corporalem possessionem omnium premissorum per Comitem Inus hominem nostrum sub testimonto Chazmensis Capituli fecimus introduci. Ut igitur huius nostre collacionis series robur perpetue firmitatis optineat, nec vllo unquam tempore retractari ualeat aut in irritum quomodolibet reuocari, presentes concessimus litteras dupplicis sigilli nostri munimine roboratas. Datum per manus discreti viri Magistri Bartholomei Prepositi de Scepes aule nostre Vice-Cancellarij dilecti et fidelis nostri, anno Domini Mş CCş octuagesimo tercio XIIş. kalendas Januarij, Regni autem nostri anno duodecimo.

(Eredetie bőrhártyán, melyről a pecsét töredéke zöld selyemzsinóron függ, a budai kir. kamarai levéltárban.)