(L)adizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentes litteras inspecturis salutem in salutis largitore. Ad vniuersorum tam presencium quam futurorum noticiam harum serie volumus peruenire, quod consideratis fídelitatibus et seruicijs Comitis Pous filij Mersa, que in omnibus et diuersis expedicionibus Regni nostri, bellis videlicet intestinis et extrinsecis, temporibus progenitorum nostrorum et nostris, se et sua diuersis fortune casibus submittendo, pro fidelitate Corone Regie debita exhibuit et impendit; et quia eciam idem Comes Pous duos equos suos bonos pro nostra Regia Maiestate valentes, et quinquaginta equas indomitas ad peticionem nostram nobis dedit; in remuneracionem seruiciorum suorum, ac recompensacionem et restauracionem equorum et equarum ipsius Comitis Pous tempore oportuno nobis dalorum, quandam terram Draucariorum nostrorum Batur vocatam in qua ecclesia in honore Sancti Martini est constructa, ipsi Comiti Pous, et per eum suis heredibus heredumque suorum successoribus, quamuis modica remuneracio suorum seruiciorum, et minima recompensacio rerum suarum videatur, dedimus, donauimus et contulimus iure perpetuo possidendam, sub eisdem metis et terminis antiquis, quibus ipsam terram temporibus domini Bele Regis aui nostri karissimi, et domini Stephani Regis patris nostri predilecti felicium recordacionem ijdem Draucarij dinoscuntur possedisse. In cuius rei memoriam perpetuamque firmitatem presentes concessimus litteras duplicis sigilli nostri munimine roboratas Datum per manus discreti viri Magistri Bartholomei aule nostre Vice-Cancellarij dilecti et fidelis nostri anno Domini millesimo ducentesimo octagesimo tercio, Regni autem nostri anno vndecimo.

(Eredetie bőrhártyán, a függő pecsét elveszett; a budai kir. kamarai levéltárban.)