Nos Ladizlaus Dei gracia Rex Vngarie significamus tenore presencium vniuersis, quod in communi congregacione Baronum et Nobilium Regni nostri, nobis cum eisden Baronibus sedentibus, Andreas filius Chopou Comes armigerorum nostrorum, surgens in medium proposuit conquerendo, quod Jacobus et Vitalus filij Herrici balbi possessionem suam Paah vocatam inmiserabiliter destruxissent, equaciam ipsius numero septuaginta tres et duos destrarios emissarios in eisdem; item quadraginta pecora in bobus et in vaccis, ac alia bona mobilia et inmobilia in ipsa possessione penitus auferendo, septem iobagionibus suis interfectis, et alijs quampluribus uulneratis. Verum quia querimonijs et assercionibus suis mulli de Baronibus et Nobilibus Regni nostri de premissis testimonium perhibebant, licet predicti filij Herrici se in ipsa congregacione presentare neglexissent; habita deliberacione Baronum et Nobilium Regni nostri, decreuimus cum eisdem, omnes possessiones predictorum filiorum Herrici, porcionem uidelicet eorum contingentes, ipsi Comiti Andree pro dampnis et iniurijs eidem irrogatis remanere iusticia exigente. Datum Bude in dominica proxima ante festum Sancti Johannis Baptiste.

(IV. Lászlónak ugyan 1283-ki 252. sz. a. megerősítő okmányából; a budai kir. kamarai levéltárában.)