Capitulum Ecclesie Waradiensis omnibus Christi fidelibus presens seriptum intuentibus salutem in omnium saluatore. Ad un(iuers)orum noticiam tam presencium quam futurorum tenore presencium uolumus peruenire: quod accedentes ad nostram presenciam personaliter Magister Nicolaus nepos Bech, Petrus filius Nicolai pro se et fratribus suis Chak, Vid et Zourd, - - - Laurencius filius Benedicti, Ladizlaus et Andreas filij Budun pro se et fratribus sius Budum scilicet et Nicolao, et ipsi pariter pro Stephano filio Apa ab vna parte; Comes Mauricius filius Bucho, et Johannes I(na)nch ab altera, dixerunt: quod super possessionibus Philipi filij Thanch, et Laurencij filij Mortun sine heredum solacio decedencium, racione proximitatis ad ipso(s de) jure pertinentibus, talem vnanimi consensu et uoluntate fecissent diuisionem et ordinassent: Quod tercia pars totalis terre Boy uocate reambulate sub - - - - - metis et antiquis - - - - - - - a parte nille - - - Kysdedboy appellate, cum ipsa villa et molendino, in porcionem Maurici Comitis et Johannis predictorum cessisset et peruenisset, residuis duabus partibus, cum villa que Nogboy vocatur, (et) ecclesia fundata (in ead)em, remanentibus Magistri Nicolai, Petri et aliorum cognatorum (suorum) prescriptorum in partem et porcionem. Item quedam possessio Athas nuncupata sub metis suis autiquis et vniuersis pertinencijs dictis Comiti Mauricio et Johanni; quedam nero ville Tanchkereky et Aka nominate Magistro Nicolao, Petro et cognatis suis prefatis cesserunt in porciones. Jus uero Patronatus Monasterij Sancti Georgij de Zerep Magistro Nicolao et cognatis suis prescriptis remansisset; quarta parte dicti juris duntaxat excepta, que Comiti Mauricio et Johanni prefatis cessisset et peruenisset. Item quarta pars cuiusdam possessionis Inanch iuxta Harnad, et Fyus iuxta Crisium existentis, ipsis Mauricio et Johanni cessisset; residuis partibus ipsarum possessionum remanentibus Magistro Nicolao et suis coguatis sepedictis. Preterea Magistrum Nicolaum et suos cognatos super impeticione dicte ville Aka, quam racione dotis emergere contingeret, in tercia parte ipsi Comites Mauricius et Juliannes expedire assumpserunt proprijs laboribus et expensis. Ad hec assumpserunt quasdam possessiones Inancs et Fyus, quod si aliquid iurgij per quempiam suscitaretur super facto earum repeticionis, in communi. In cuius rei memoriam perpetuamque firmitatem presentes concessimus litteras sigilli nostri munimine roboratas. Datum tercio die Beati Jacobi Apostoli anno Domini MşCşCş octuagesimo tercio. Domino Batur Preposito, Emerico Lectore, Iwan Cantore, Benedicto Custode, magistris existentibus.

(A váradi káptalannak 1311-ben kelt átiratából mely eredetiben az erd. Muzeum kézirattárában van. Közli Szabó Károly.)