Frater Dominicus Magister Hospitalis et totus Conuentus Cruciferorum Sancti Regis Stephani de Strigonio, vniuersis presentes litteras inspecturis salutem in largitore salutis. Ad vniuersorum noticiam tenore presencium volumus peruenire, quod nobilis vir Magister Thomas, filius Petri de genere Bancha, nepos domini Stephani Cardinalis, nomine suo, et discreti viri Vrbazi, Prepositi Ecclesie Sancti Petri de Pazga (igy Posega helyett) fratris sui nomine, et speciali mandato eiusdem Prepositi, coram nobis personaliter constitutus, confessus est, terras et possessiones suas cum terris aratorijs, practiuis, buskiuis, vinetis et virgultis, Furnad vocatas, partim in Comitatu Borsiensi et partim Strigoniensi constitutas, vicinas et contiguas terris et possessionibus Archiepiscopi et Archiepiscopatus Strigoniensis cum suis iuribus, vtilitatibus et pertinencijs vniuersis, secundum metas et limitaciones ipsarum possessionum, nullo iure in eisdem possessionibus sibi, uel fratri suo predicto penitus reseruato, dedisse et tradidisse in concambium domino Lodomerio venerabili patri Archiepiscopo Strigoniensi, et per eum suis successoribus Archiepiscopis et Archiepiscopatui Strigoniensi, pure, simpliciter et absolute, inmutabiliter, et inwariabiliter in perpetuum pleno iure; et quod ab eodem domino Archiepiscopo, interueniente expresso consensu (discretorum vi)rorum Prepositi et Capituli Ecclesie Strigoniensis, et nobilium iobagionum Ecclesie sue, ex causa permutacionis, possessiones Archiepiscopatus Strigoniensis, terras pupolatas, existentes in Susol, Loucha et Poroztolnuk nominatas, cum suis iuribus, vtilitatibus et pertinencijs, iuxta metas et limitaciones antiquas, sibi, castro suo et possessionibus suis propter vicinitatem dictarum possessionum magis vtiles recepisset in concambium; nichilominus personaliter est confessus, sibi, fratri suo, et suis heredibus, heredumqne suorum successoribus incommutabiliter iure perpetuo possidendas. Et quia predicte possessiones Magistri Thome, et fratris sui Prepositi Vrbazi, Furnod superius nominate, walorem et estimacionem possessionum dicti Archiepiscopi et Archiepiscopatus aliquantisper in walore excedere credebantur; propter equalitatem permutacionum predictarum predictus dominus Archiepiscopus addictendo de pecupia numerata septuaginta marcas boni, fini et legalis argenti coram nobis integraliter et sine diminucione eidem Magistro Thome recipienti nomine suo et fratris sui Vrbazi Prepositi manualiter numerauit. Promittens per sollempnem stipulacionem nomine suo et fratris sui predicti, sub ypoteca omnium bonorum suorum, mobilium et immobilium, presencium et futurorum, quod Archiepiscopum et Archiepiscopatum Strigoniensem contra omnem inpeticionem super dictis possessionibus, suis laboribus et expensis defendere et expedire ipsi et eorundem heredes in perpetuum tenebuntur; predicto venerabili patre illud idem super suis possessionibus datis in concambium sollempniter promittente vice uersa; renuncians predictus Magister Thomas, nomine suo et fratris sui, omnibus iuribus, racionibus, priuilegijs, documentis, quibuslibet excepcionibus, appellacionibus, excepcioni pecunie non numerate, et omni legum et canonum auxilio, quibus ipsi, uel ipsorum heredes, in posterum aliquo iuris colore crederent se iuuare; et presertim, quod non dicent se deceptos in parte (uel) in toto, uel eciam ultra dimidium iusti precij, et quod beneficio speciali restitucionis in integrum, uel iuris communis cuiuscunque non vtentur in iudicijs, vel extra iudicium ullo casu. In euius rei testimonium presentes concessimus litteras sigilli nostri munimine roboratas. Datum anno Domini Mş CCş LXXXş tercio indiccione vndecima.

(Az eredeti után Knauz Nándor, Magyar Sion III. köt. 467. l.)