Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presens scriptum inspecturis salutem in omnium saluatore. Ad vniuersorum noticiam tenore presencium volumus peruenire, quod Comes Thomas filius Pangracij de genere Chanad ad nostram personaliter accedendo presenciam exhibuit nobis priuilegium Waradiensis Ecclesie Capituli super factis possessionum suarum Berthem, Sunkulus, Thelegd et Zobolch vocatarum confectum, petens a nobis cum instancia, vt dictum priuilegium ratum habere, et nostro priuilegio confirmare dignaremur. Cuius quidem priuilegij tenor talis est:

Capitulum Waradiensis Ecclesie stb. (következik a nagyváradi káptalannak 1283-ki átíró okmánya mint fentebb 262. sz. a.)

Exhibuit eciam idem Comes Thomas quoddam priuilegium sub sigillo venerabilis patris Bartholomei Episcopi Waradiensis et Rorandi Vaiuode Transsiluani Comitis de Zonuk dilectorum et fidelium nostrorum super dimidietate tributi, quod in portu Chrysij in Berthem exigi consueuit ab antiquo, confectum, petens humiliter supplicando, vt ipsum priuilegium ratum habere et nostro priuilegio de benignitate Regia confirmare dignaremur. Cuius tenor talis est:

Bartholomeus m. D. Episcopus Waradiensis et Rorandus Woyvoda Transilvanus stb. (következik a kettőnek 1284-ki okmánya mint alább 285. sz. a.)

Nos itaque attendentes, quod supremum in rebus bonum est justiciam consernare, et vnicuique tribuere, quod est suum, nec sinere, quod potestatis est fieri, sed quod equum est custodiri, prefata priuilegia nobis exhibita et perlecta, in null a parte deuiciata, de verbo ad verbum presentibus inserta, in eternam rei memoriam authoritate duximus presencium confirmanda. Vt autem presentis scripti series nulla valeat in posterum inpugnacione conuelli, nec per aliquem perturbari, preseptem concessimus paginam duplicis sigilli nostri munimine roboratam. Datum per manus venerabilis patris Thome Dei gracia Episcopi Waciensis aule nostre Cancellarij dilecti et fidelis nostri; anno Domini millesimo ducentesimo octuagesimo quarto, sexto calendas Decembris, Indiccione XII. Regni autem nostri anno decimo tercio.

(Báthory István erdélyi vajda 1572 ki oktávás átiratából; a budai kir. kamarai levéltárban.)