Bartholomeus miseracione Diuina Episcopus Waradiensis, et Rorandus Wayuoda Transiluanus Comes de Zonuk, vniuersis Christi fidelibus presentibus pariter et futuris presentes litteras inspecturis salutem in salutis largitore. Nouerint vniuersi, patentes litteras domini Ladizlai Serenissimi Regis Hungarie nos reuerenter recepisse continentes, quod ipse dominus Rex super diuersitate tributorum, que in locis indebitis exiguntur, de omnium Baronum et Nobilium Regni sui consilio prouide ordinando, tributa, que post obitum domini Regis Bele felicis memorie ortum vel originem habuerunt, omuimo decreuisset abolere, nec ex aliqua causa racionabili in locis ad transeundum grauibus transitus fieret preparatus; quod Regia Magnitudo indagacieni nostre et fidei ac quatuor Judicum comisisset, prout in eisdem litteris Regie Celsitudinis plenius vidimus contineri. Igitur die per nos et Judices Nobilium in socios nobis adiunctos, ad hoc specialiter assignato, videlicet in octauis Beati Jacobi Apostoli in villa Pispwky, vbi super ipso facto tributorum et alijs negocijs per Regiam Maiestatem nobis commissis Conregacionem habebamus Generalem, nobilis vir Comes Thomas filius Pangracij de genere Chanad exhibuit nobis priuilegiales litteras Capituli Waradiensis super dimidietate tributi de Berthem, quod in portu Crysij exigi consueuit, cuius tributi medietas Magistro Achoni filio Pauli dicitur pertinere, confectas; sed quia quantitas ipsius tributi in eisdem litteris priuilegialibus non exprimebatur, nec nobis ad plenum constabat de eadem, vniuersos nobiles de Comitatu Bihoriensi de facto ipsius tributi duximus requirendos; qui in fide eorumvnanimiter affirmarunt, dictum tributum fuisse institutum ab antiquo; et quia eciam dictus Comes Thomas super medietate ipsius tributi euidens et acceptabile exhibuit instrumentum coram nobis, in quo licet quantitas ipsius tributi non contineatur, tamen nos habito tractatu eum predictis judicibus socijs nostris decreuimus, vt racione ipsius totalis tributi de Berthem hactenus habiti et recepti, de quolibet curra salibus onerato singuli duo sales et duo denarij parui; et eciam de quolibet curru mercatorio onerato pannis, vino, vel alijs rebus mercimonialibus per ipsum locum tributi de Berthem transeunte, singula dimidia pondera exigantur pro tributo; cuius tributi totalis medietatem percipiet Comes Thomas memoratus, alia vero mediatata ipsius tributi Magistro Achoni remanente. Hoc non pretermisso, quod super peditibus, equitibus et vacuis curribus, seu eciam oneratis de vno loco ad alium, non tamen causa mercimonij transeuntibus, tributa exigi inhibemus. Et hoc in ipso loco tributarij in predicto portu Chrysij publice volumus obseruari, vt omnibus transeuntibus in exaccione dicti tributi certa noticia habeatur, ne maior exaccio fieri possit, quam deberet. In cuius rei memoriam et perpetuam firmitatem presentes litteras concessimus sigillorum nostrorum munimine roboratas. Datum in villa Pispwky in predictis octauis Beati Jacobi Apostoli anno Domini millesimo ducentesimo octuagesimo quarto.

(IV. László királynak 1284-ki megerősítő okmányából, mint fentebb 273. szám alatt.)