Nos frater Guillemus de Peymes Domorum Milicie Templi per Hungariam et Sclauoniam Magister significamus vniuersis presencium noticiam habituris, quod nos attendentes grata et fidelissima deuotaque seruicia per nobilem uirum dominum Lucam de Dessa ciuem Jadrie, nobis et fratribus nostris quam pluries exhibita et inpensa et adhuc inpendere non dessinit incessanter de die in diem, primo considerata utilitate profectuque Domus nostre, communicato consilio et assensu dilectorum in Christo fratrum nostrorum, fratris Petri de Beizeyo Vice-Preceptoris in Auramia, fratris Oliuerij, fratris Thome, fratris Johannis de Foys in Zablata Preceptoris, fratris Johannis de Athys Preceptoris palacij de Auramia in maritimis existencium, quandam particulam terre nostre incultam, desolatam et vacuam, sitam in territorio nostr o de Zablata Pozkaligna uocatam, sicut continuatur - - - - - ad mare, et usque ad predium de Zablata, cum certis ipsius terre terminis, pratis, vineis, pascuis, arboribus, terris cultis et incultis dedimus, assignauimus et confirmauimus dicto domino Luce de Dessa, et heredibus suis masculinis, heredorumque (így) masculorum ipsorum succesoribus, quamdiu uixerint et fideles Domui Templi extiterint, cum omnibus prefate terre iuribus, pronentibus et utilitatibus pacifice possidendam; sub tali forma, quod usque ad complementum duorum annorum a confeccione presencium finitorum, pro eo, quod terra predicta inutilis et inhabitata permanebat, prefatus L. aut heredes ipsius nullum censum Domui nostre soluere tenebuntur, completis uero duobus annis idem L. uel ipsius heredes pretaxati, uiginti libras monete paruulorum Venetorum in festo Sancte Marie Uirginis Augusti Domui nostre de Auramia soluere teneautur annuatim. Hoc adiecto, quod iobagiones, quos idem dominus L. aut ipsius heredes nominati super predictam terram causa commorandi adduxerint, de tribus magnis iudicijs, uidelicet de homicidio, incendio uel de mutilacione membrorum seu arborum, coram nostro dominio debeant iudicari, terciam uero partem iudicij idem L. optinebit, Domus uero duas partes. Ne igitur sepe nominatus L. aut ipsius heredes per aliquem ualeant inposterum molestari uel inpediri, presentes eisdem contulimus sigilli nostri munimine roboratas. Actum anno Domini Mş CCş LXXXş IIIIş in festo Beati Andree Apostoli.

(Marcel nonai püspök és Salamon a templomrendiek magyarországi tartomány-perjel 1291-ki hiteles másolatából; a nemzeti muzeum kézirattárában. V. ö. Fejér Cod. Dipl. VII. köt. 5. i. 598. l.)