Excellentissimo domino suo Ladizlao Dei gracia Illustri Regi Vngarie Capitulum Ecclesie Waradiensis oraciones in Domino. Receptis litteris Serenitatis Uestre cum Abram filio Pousa homine vestro Petrum presbiterum de coro Ecclesie nostre pro testimonio uice nostri misimus ad mandata uestra exequenda; qui demum ad nos rediens nobis dixit, quod terram castrensium uestrorum de Zobouch Ekeuch uocatam, et Pozdum castrensium de Burzua, uacuas et habitatoribus destitutas, presentibus omnibus commetaneis et vicinis, et alijs quam plurimis quibus decebat, per ueteres metas et antiquas reambulatas, nullo contradictore existente statuissent et assignassent Petro filio Comitis Mychaelis perpetuo possidendas. Datum feria tercia proxima post festum Pentecostes anno Domini Mş CCş octuagesimo quarto.

(Eredetie bőrhártyán, a zárpecsét elveszett; a nemes Kállay család levéltárában.)