Nos Capitulum Ecclesie Waradiensis damus pro memoria: quod Magister Dyonisius filius Kemen in octauis Medij XL-me anno Domini Mş CCş octogesimo quarto coram nobis personaliter constitutus, Demetrium, Kemen et Nycolaum filios Magistri Laurencij fratris sui prohibuit a vendicione, impignoracione, et qualicunque distraccione terrarum, quas ijdem dicerent ad se pertinere; protestatus nobis, quod si aliquas terras hactenus uendidissent uel impignorassent, aut de cetero uenderent seu impignorarent ipso ignorante et inrequisito distraxissent; easdem et ipse ad emendum seu recipiendum pro pignore, si quas ijdem uellent alienare terras, promptus esset et paratus, nichilominus alium. Terrarum emptoribus, et specialiter Thome filio Abraam, et Nycolao filio Mauricij, adiiciens uocem contradiccionis. Datum ut supra.

(Eredetie bőrhártyán, a hátul oda nyomott pecsét elveszett; a nemes Kállay családnak levéltárában.)