Nos Capitulum Ecclesie Sancti Michaelis de Castro Ferreo notum facimus tenore presencium vniuersis, quod Benedictus filius Turloud pro se et pro Laurencio ac Bogomerio fratribus suis, Timodin filius Tumpa pro se similiter et pro Markalius fratre suo, Gothardo filio Philpe, ac Jurk filio Georgij generacionibus suis, Bela filius Farkasij, Herrandus filius Pauli pro se et pro Paulo filio Nicholay, nobiles de Purbuse coram nobis constituti, de terra eorum Purbuse vocata quandam particulam terre, videlicet quinque funiculos, cum funiculo quindecim amplexuum, continentem, existentem juxta terram Jacobi filij Georgij de eadem Purbuse, prout incipit illa terra a fluuio Izturmen et tendit vsque villam Kulked vocatam, vendiderunt Sebee, Fabiano et Michaeli Comitibus pro duodecim marcis, partim in denarijs latis, partim in estimacione condigna, receptis coram nobis. Quorum quidem vendicioni Jacobus filius Georgij predictus, commetaneus dicte terre consensum prebuit et assensum; hoc adieeto, quod si a quoquam ijdem Sebee Comes et fratres sui fuerint molestati, Benedictus et generaciones sue predicte tenentur ipsos a molestantibus omnibus expedire; qui si expedire nequierint, extunc terram equeualentem in alijs terris suis statuere tenebuntur Sebee Comiti et fratribus suis antedictis. Quod vt ratum sit, presens scriptum contulimus nostro sigillo communitum. Magistro Michaele Preposito Ecclesie nostre, Eguka Cantore, Andrea Custode, Garmano Decano existentibus. Anno gracie Mş ducentesimo octuagesimo quarto.

(Eredetie a Rumy család levéltárában, másolata a magyar academia kézirattárában.)