Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in Domino sempiternam. Ad vniuersorum noticiam tenore presencium volumus peruenire, quod accedens ad nostram presenciam Comes Thomas filius Pangracij, filij Kelemus Bani, nepos Belerig de genere Chanad, petendo a nobis humiliter, quod consideratis suis fidelibus seruicijs meritorum, et specialiter pro facto mortis Ladizlai fratris sui vterini, qui in nostris prouincijs per Cumanos crudeliter extitit interemptus; omnes possessiones suas hereditarias, in Comitatibus acilicet Chanadiensi, Orodiensi et Thimisiensi existentes, solum ipsum separatas ab alijs fratribus suis fratruelibus in vsu fructuum concernentes, authoritate nostra Regia defenderemus, et eundem illesum ab omnibus inuasoribus, tam Cumanis, quam eciam a nobilibus Regni nostri, et eciam de generacione sua, quia ipse discessit et recessit ad alias possessiones suas cum nobili domina matre sua adductas et traditas in Kereskwz existentes, conseruaremus, et si quas ex eis aliqui fideles nobiles Regni nostri vel Cumani nomine possessionum hereditariarum, quia essent ad presens habitatoribus destitute, sibi dari et conferri a nobis, vel a Stephano aut Bela Regibus parentibus nostris felicium recordacionum postulassent, perquisita veritate ipsa collacionem et donacionem dignaremur reuocare, et easdem possessiones in toto vel in parte ipsi Comiti Thome restituere et resignare. Quarum quidem possessionum nomina inferius declarantur; videlicet Zent Leurench, Kyafalw, Molumzegh, Ladan, Palata, Pradanmunustura, Bodugazzonfalwa, Scauath, cum piscinis et omnibus suis piscaturis, Temerken, Keer, Paducy cum terra Agar votata et piscatura Agarfoka et Agartho vocatis; item Chaka, Pasan, Zent Miklos, cum piscaturis Patoktho, Chakato et Pasanto vocatis in longitudine et latitudine; item medietas possessionis Beel; item medietas possessionis Kwkener; item medietas possessionis Pabe, et medietas possessionis Zambur; item medietas possessionis Chawas eum loco molendini; item medietas possessionis Kalanteluk similiter cum loco molendini. Et quia peticio ipsius Comitis Thome fore iusta videbatur et cordi nostro valde placida; sed non constabat nobis, v trum ipse possessiones sue fuerint, et ad ipsum solum pertinerent; ideo venerabili in Christo patri domino Gregorio Episcopo et Capitulo Chanadiensis Ecclesie fidelibus nostris litteratorie dedimus in mandatis; quod conuocatis commetaneis et vicinis predictarum possessionum, et maxime nobilibus de genere eiusdem Comitis Thome, cum quibus omnes alias possessiones suas communiter se dicebat possidere, sciant et inquirant omnimodam veritatem, vtrum predicte possessiones ad ipsum solum Comitem Thomam in proprietate et in vsu fructuum pertineant, an cum alijs nobilibus de generacione sua; et sicut eis veritas de premissis et singulis premissorum constitisset, nobis seriatim rescribere debuissent. Tandem ijdem Episcopus et Capitulum nobis rescripserunt in hunc modum; quod cum nos conuocacionem et congregacionem trium Comitatuum, videlicet Themessiensis, Orodiensis et Chanadiensis per Magistrum Martinum dictum Palachk fidelem nostrum authoritate nostra Regia pro quibusdam nostris negocijs peragendis fieri in Chanadino iussissemus; ipse do minus Episcopus et Capitulum Chanadiensis Ecclesie de nostro mandato, vt premisimus, ab omnibus vicinis et commetaneis presentibus in eadem congregacione, et specialiter a nobilibus et fratribus patruelibus de genere eiusdem Comitis Thome, videlicet Makou Bano filio Isac, Gregorio filio Elek, Dionisio et Gregorio filijs Chanad, Dominico Barnaba et Michaele filijs Comitis Barnabe, Benedicto filio Philippi, Theodoro et Ireneo filijs Dominici, ac Petro filio Wgud in eadem congregacione existentibus, publice assurgendo quesiuisset, de predictis possessionibus proprietatem attributam predicto Comiti Thome filio Pangracij, et vsuum fructuum earundem sibi soli pertinere. Qui quidem nobiles trium Comitatuum et omnes fratres patrueles prefati Comitis Thome vna voce respondissent, quod omnes possessiones predicte ipsi Comiti Thome filio Pangracij et suis parentibus semper pertinuissent, et nunc pertinere dinoscerentur; exceptis alijs omnibus possessionibus nobilium predictorum, quas cum fratribus suis patruelibus predictis communiter dinoscerentur possidere; prout in litteris Regis Bele felicis recordacionis fassi fuissent plenissime contineri. Nos igitur scita inquisita exinde omnimoda veritate, vt premittitur, quod omnes predicte possessiones Comiti Thome filio Pangracij antedicto et filijs eiusdem sint hereditarie, et sibi soli in vsu fructuum pertinere, ipsum Comitem Thomam cum filij s et cum omnibus possessionibus suis prenotatis ad nostram recepimus proteccionem specialem, reuocantes omnes donaciones et tradiciones earundem possessionum, si quas nos cuiquam fecissemus, aut nostri predecessores Reges fecissent, restituentes omnes predictas possessiones in toto et in parte cum omnibus vtilitatibus et piscaturis sibi attinentibus predicto Comiti Thome et filijs suis ac heredibus eiusdem vniuersis perpetuo possidendas; pronunciantes omnes litteras nostras et nostrorum predecessorum Regum cassas, friuolas et inanes, si quas forsitam aliquis per quamcunque concepcionem verborum potuissent obtinere. Hoc non pretermisso, quod Mako Banus et Gregorius filius Elek assurgendo in eadem congregacione dixissent, quod quia ipsi essent fratres patrueles et proximiores in linea consanguinitatis ipsi Comiti Thome; ideo si ipsum eis premori contingeret sine herede, tunc principaliter non ad alios de generacione sua, sed ad ipsos predicte possessiones deuoluerentur; et e conuerso, si ipsi nobiles sine herede decederent, omnes possessiones eorundem ipsi Comiti Thome et filijs suis similiter deuoluerentur; prout eciam in litteris eiusdem Bele Regis plenissime dinosceretur contineri. Et hoc ijdem predicti nobiles de generacione ipsius Comitis Thome affirmassent; saluo eo, quod porcio magni Philippi filij Belenigh inter ipsos indiuisa remansisset, et communiter fructus earundem vterentur, iuxta condiciones in predictis litteris Regis Bele contentas. In cuius rei memoriam firmitatemque perpetuam presentes concessimus duplicis sigilli nostri munimine roboratas, Datum per manus dilecti nostri et fidelis, venerabilis in Christo patris domini Thome Episcopi Waciensis aule nostre Vice Cancellarij anno Domini millesimo ducentesimo octuagesimo quinto, sexto kalendas Maij Indiccione duodecima, Regni autem nostri anno decimo quarto.

(Báthory István országbirónak 1372-ki oktávás átiratából, a budai királyi kamarai levéltárban.)