Ladizlaus Dei gracia Rex Vngarie fidelibus suis Borsensi, Nytriensi, de Kamarun, de Pylis, de Zolum et Chengradiensi Comitibus pro tempore constitutis salutem et graciam plenam. Cum dominus Bela auus, et Stephanus pater noster karissimi, illustres Reges Vngarie clare recordacionum, sicut in priuilegijs eorumdem vidimus contineri, vniuersos populos Monasterij Sancti Benedicti de Goron a cuiuslibet Parochialis Judicis judicio exemerint; et nos ipsos populos in eadem libertate velimus conseruare, pietate Regia condescendentes eisdem; fidelitati vestre damus firmiter in mandatis, quatenus populos predicti Monasterij in nullo casu debeatis iudicare, seu eciam in aliquo molestare; quia nos eosdem populos proteccioni Thome filij Andree Comitis duximus committendos. Volentes, vt si qui aliquid accionis habuerint contra populos sepedictos, in nostri presencia experiantur cum eisdem, iuris ordine observato, uel coram Judice Curie nostre. Datum Bude in octauis Natiuitatis Domini, anno eiusdem MşCCşLXXXş quinto.

(Az eredeti után Knauz Nándor, Magyar Sion III. köt. 624. l.)