Nos Lodomericus Dei gracia Strigoniensis Archiepiscopus et Comes Perpetuus loci eiusdem, significamus vniuersis, quibus expedit, presencium per tenorem: Quod cum inter discretos viros karissimos in Domino fratres nostros, Magistrum videlicet Andream Doctorem Decretorum Prepositum, et Capitulum Ecclesie nostre Strigoniensis ex una parte, et inter Magistrum Benedictum Doctorem Decretorum Prepositum Ecclesie Sancti Thome martiris de Promontorio Strigoniensi et fratres sev Canonicos Ecclesie sue ex altera, suborta fuisset materia questionis super piscarijs, piscaturis, siue piscinis vsonum et sturionum constitutis in Danubio circa villam nostram Ebed vocatam, in quibus ipse Magister Benedictus se ac predictos fratres suos, Canonicus Ecclesie sue, pretextu trium hominum suorum, commorancium in vna solaque curia de eadem villa Ebed, dicebat porcionem habere debere, illam scilicet, que a piscatoribus earundem piscinarum, annis singulis, ab antiqua consuetudine temporis cuius vix extat memoria, predictis fratribus nostris Preposito et Capitulo Ecclesie Strigoniensis debetur. Tandem partes pro bono pacis perpetue ad talem composicionem, scita et intellecta huius rei veritate a senioribus et veridicis hominibus, quibus longa diuturnitas dierum et temporum testis erat pariter et magistra, se deuenisse dixerunt: Vt ipse Magister Benedictus et fratres sui Canonici predicte Ecclesie Sancti Thome, ad sui cordis meram conscienciam recurrendo, cesserunt plane et simpliciter questionibus et omnibus iuribus, actionibus et excepcionibus suis, eis in hac parte competentibus, et competituris sibi, que adpresens, sicut prediximus, intentabant aut intentare de iure poterant uel de facto, predictas piscaturas relinquentes administrari pacifice ad vsum predictorum Prepositi et Capituli Ecclesie Strigoniensis, sicut ab antiquo tem pore usque nunc fuerat eonsuetum; ita, ut de facto earundem piscaturarum nec ipse Magister Benedictus, nec Canonici Ecclesie sue, aut aliquis successorum ipsorum ueteres resumere, uel novas immitere aliquo modo uel ingenio poterunt questiones, facientes finem et remissionem, prudentes, scientes et ydonei, et pactum uestitum de vlterius non petendo. In cuius in (igy) firmitatem et memoriam sempiternam presentes litteras ad peticionem et instanciam parcium predictarum no stro sigillo dari fecimus commnnitas. Datum Strigonij anno Domini MşCCşLXXXVş vicesimo secundo die Pasce.

(Az eredeti után Knauz Nándor, Magyar Sion III. köt. 625. l.)