In Dei nomine Amen. Anno Domini MşCCşLXXXşVş, indiccione XIIIş die dominico XXX. Decembris; temporibus domini Ladislai Dei gracia Serenissimi Regis Vngarie, venerabilis patris domini Gregorij miseracione Diuina Episcopi Traguriensis; Magnifici viri domini Gregorij Comitis Tragurij, et nobilis viri domini Palmerij domini Falci de Firmo Ciuitatis Tragurij Potestatis. Ad honorem et reuerenciam Dei Omnipotentis et Beate Marie Virginis, nec non et Beati Laurencij martiris, et Sancti Johannis confessoris. Predictus venerabilis pater dominus Gregorius Traguriensis Episcopus, vna cum domino Geruasio Archidiacono Primicerio Casiotto, et toto Canitulo sue dicte Ecclesie Sancti Laurencij Episcopatus Traguriensis, nomine et vice dicti Capituli ex vna parte; et nobilis vir dominus Palmerius domini Falci de Firmo predictc Ciuitatis Tragurij Potestas, de voluntate Generalis Consilij dicti Communis ex altera; vnanimiter et concorditer super decimis dandis ad talem concordiam deuenerunt, scilicet quod quilibet Traguriensis ciuis teneatur et debeat exhibere decimam hoc modo; pro quolibet boue arante vnum modium bladi, scilicet medium modium grani, et medium ordei, pro omnibus decimis debito exhibendis, exceptis decimis agnorum. Illi vero, qui terram proprijs manibus colunt, vel boues alienos conducunt, decimam consuetam dare teneantur, sicut hactenus persoluerunt. Et si blaue deuastarentur casu fortuito temporibus guerrarum vel tempestatum, quod sit in voluntate laborantis de dando vel decimam de eo quod recolligeret ille qui laboraret, vel ipsum modium pro quolibet boue. Quam decimam quilibet dare teneatur quolibet anno vsque ad kalendas Augusti; et si quis non daret vsque ad dictum terminum, soluat Communi Tragurij pro banno X libras Venetorum paruorum, et nihilominus dictam decimam dare teneatur. Et Potestas, Consules et Judices Communis Tragurij, qui pro tempore fuerint, teneantur predicta facere obseruari, et operam efficacem dare vt obseruentur; et si aliquis vel aliqui non dabunt ipsas decimas, ut supra dictum est, Potestas, Consules et Judices, qui pro tempore fuerint, faciant publice bandiri; et inhibeant, vt nullus laboret de terris et possessionibus illius, qui non daret decimam ad bannum predictum; et ipsa banna teneantur exigere pro Communi. De quo concordio duo sunt scripta consimilia instrumenta, videlicet vnum pro qualibet parte. Actum Tragurij in palacio predicti domini Episcopi; presentibus sapientibus viris dominis Dessa de Amblasio, Gregorio de Cega, Thoma Janiche, Mattheo de Pascha, Amblasio Desse, Gregorio Gualimerij, et Dessa Duymi de Morsica examinatoribus testibus.

Ego Dessa Duymi examinator conscius examinani.

Et ego Jacobus de Firmo Communis Tragurij et predieti domini Potestatis Juratus Notarius rogatus scripsi et publicaui.

(Lucius; Memorie storiche di Trau 138. l.)