In Dei nomine Amen. Anno Domini MşCCşLXXXşVş indiccione XIII. die dominico XV. Aprilis; temporibus domini Ladislai Dei gracia Illustris Regis Vngarie, venerabilis patris domini Gregorij Episcopi Traguriensis, Magnifici viri domini Georgij Comitis Traguriensis, et nobilis viri domini Palmerij domini Falci de Firmo Ciuitatis Traguriensis Potestatis; in publico et Generali Consilio Ciuitatis Tragurij, in palacio dicti Communis ad sonum campane, vt moris est, congregato. Nobilis vir Comes Stipsa filius Nanisse, nuncius et ambaxator Egregij viri domini Bani Pauli, ex parte dicti domini Bani precepit Potestati et Communi Tragurij, vt exercitum deberent facere cum ipso Bana contra homines de Spalato, infedeles Regis Vugarie, et stare iuxta ipsum Banum; alioquin ipse dominus Banus habebit ipsos Tragurienses pro infedelibus, quemadmodum et Spalatenses, et eis faciet sicut Spalatensibus. Qui dominus Palmerius Potestas predictus nomine et vice Communis Tragurij, et pro ipso Communi; et eciam dominus Dessa Amblasij nobilis vir Tragurij voluntate ipsius domini Potestatis, et ad cautelam dicti Communis Tragurij, conuocatis in dicto Consilio venerabili patre domino Episcopo, et alijs pluribus clericis et laicis et religiosis personis protestati sunt et protestando dixerunt, quod dictum exercitum volontarie non faciunt, immo coacti, et per vim, mandato predicti domini Bani; et per hoc non volunt, nec intendunt venire contra concordiam factam cum Spalatinis; quia per vim faciunt Tragurienses modo exercitum contra Spalatinos. Actum Tragurij in palacio Communis; presentibus venerabili patre domino Gregorio Episcopo Traguriensi; domino Geruasio Archidiacono Traguriensi; domino Paulo Abbate Monasterij Sancti Johannis de Tragurio; domino Vgrino monacho dicti Monasterij; fratre Mauro et fratre Thoma de Ordine Predicatorum; fratre Stephano Guardiano et fratre Luca de Ordine Minorum; Stani Varicassi de Jadra; Syraccho de Ragusio; domino Joannino de Ponte; domino Joannino Salinbene, et domino Joannino Titiolo de Venecijs; et Duymo Domiche examinatore.

(Lucius, Memorie storiche di Trau 116. l.)