Lodomerius Diuina miseracione Sancte Strigoniensis Ecclesie Archiepiscopus, eiusdemque loci Comes Perpetuus, vniuersis Christi fidelibus presentes litteras inspecturis salutem in actore salutis. Pie mentis applectanda deuocio eo est benignius prosequenda, quo sancciori proposito talentum a Domino temporaliter acceptum in salutis ministerium pro animarum remedio commendatur, ut beneficio temporali in spirituales usus assumpto, resoluto corpore, nutriatur anima, fomentis spiritualibus delinita. Dudum siquidem venerabilis pater Stephanus Episcopus Prenestinus, tunc Archiepiscopus Sancte Strigoniensis Ecclesie felicis recordacionis pro remedio anime patris sui Comitis Vrbazij, cuius corpus intra porticum ecclesie Strigoniensis traditum extitit sepulture, intra campanilia supra uultam in honore Beate Lucie virginis construi fecit altare, illud pontificali ministerio dedicando, collatis ad ministerium eiusdem altaris et stipendium presbiteri ministrantis, pro remedio anime patris sui, duabus vineis, intra territorium vinearum de Striginio, et terra Vrkuta uocata (igy) prope Strigonium, cum omnibus vtilitatibus suis, silua, feneto et ceteris appendicijs, sicut in ipsius priuilegio exinde confecto plenius continetur; ut in laudem Dei et salutem anime patris sui in eodem altari misse celebracio pro quiescencium spiritibus non deesset. et quia defunctorum pias voluntates pontificali semper decens est studio adiuuari, ut crebra fiat salutis oblacio et intensius uigeat deuota collacio tribuentis; ipsum beneficium in persona viri discreti, Deo denoti, Marcelli presbiteri, Custodis Ecclesie nostre Strigoniensis, non tam peraonaliter, quam realiter, ipsi scilicet Custodie, cuius erant redditus tenues et exiles, per quem eciam et successores ipsius ad ipsum personatum dictum misse officium credimus et speramus vberius et frequencius exerceri, de omnium fratrum nostrorum beneplacito et consensu perpetuo duximus annectendum; ita, ut diebus singulis, salua honestate sua et debita deuocione, per se uel vicarium sacerdotem, nisi impediente infirmitate corporis, celebrari iuxta formam, antiqnitus ab eodem domino Stephano tunc Archiepiscopo Strigoniensi patre venerabili constitutam taliter ipsum beueficium personatui vnientes, vt utrimque alteri consulatur ex altero, et provisio paternalis magis excrescat, quam decrescat in exsecutionibus Diuinorum. In cuius rei memoriam perpetuamque firmitatem presentes litteras concessimus, munimine nostri sigilli roboratas. Datum Strigonij in festo Beati Laurencij martiris, anno Domini MşCCşLXXXş sexto.

(Az esztergomi káptalannak átiró okmányából Knauz. Magyar Sion III. köt. 626. l.)