A B C
Vniuersis presentem paginam intuentibus Magister Benedictus Doctor Decretorum Prepositus; et Capitulum Ecclesie Strigoniensis salutem in Domino sempiternam. Bone rei dare consultunt, et pio operi subuenire, et presentis uite sub sidium et eterne remuneracionis premium cernitur expectare. Eapropter nouerint uniuersi, presentes pariter et futuri, quod venerabilis pater dominus noster dominus Lodomerius Dei gracia Strigoniensis Archiepiscopus et Comes Perpetuus loci eiusdem, de nostro consensu, beneplacito, consilio et assensu plebaniam altaris Sancte Lucie virginis, in campanili nostre ecclesie existentis, quam olim dominus Stephanus Cardinalis Episcopus Prenestinus, tunc temporis videlicet Archiepiscopus Strigoniensis pie recordacionis, pro refrigerio anime Comitis Vrbazij patris sui construi fecerat, et salubriter ordinarat in persona discreti viri Marcelli Custodis Ecclesie nostre, Custodie Strigoniensi duxit annectendam irretractabiliter, et in perpetuum vniendam, vna cum terra Urkuta vocata, et duabus vineis, in usum ministeriorum eiusdem altaris concessis; in hijs et in alijs idem dominus noster Lodomerius Archiepiscopus nostre Ecclesie prospiciens meliora. Nosque ipsius domini Lodomerij Archiepiscopi annexionem et unionem huiusmodi ratam et gratam habentes, et confitentes pie ac prouide esse factam; ob maiorem certitudinem nostre beniuolencie et ratificacionis, ac approbacionis in signum, priuilegium eiusdem super hoc facto confectum, ad uberiorem cautelam de uerbo ad uerbum in tenorem presencium redigi fecimus et transcribi. Cuius quidem priuilegij tenor est talis: Lodomerius Diuina miseracione Sancte Strigoniensis Ecclesie Archiepiscopus stb. (következik a fentebbi 318. sz. a. okmány.)
Nos igitur, ut huius unionis et annexionis series robur obtineat perpetue firmitatis, nec per quempiam hominum vllo umquam tempore eidem vnioni et annexioni valeat aliquatenus obuiari; presantibus litteris sigillum nostrum apponi fecimus et appendi. Datum per manus discreti viri Magistri Cypriani Ecclesie nostre Lectoris, anno Domini MşCCşLXXXş sexto XVIII. kalendas Septembris.
(Az eredeti után Knauz, Magyar Sion III. kőt. 627. l.)