Nos Magister C. Prepositus et Capitulum Jauriensis Ecclesie memorie commendantes significamus vniuersis, quod nobilis vir Paulus filius Lamperti de genere Papa coram nobis personaliter constitutus, retulit uiua uoce, quod quandam particulam terre sue Zakach uocate in Comitatu Wesprimiensi existentis a parte terre Komund certis metis seperatam propter bonum amicicie et proximitatis unionem contulisset et donasset Hectori filio Johannis proximo suo similiter coram nobis personaliter constituto, asumens ipsum Hectorem ab omnibus impeticionibus dicte terre, si qui in processu temporum fuerint, expedire proprijs laboribus et expensis; proprietate ipsius particule terre semper apud eundem Hectorem remanente. Datum in festo Beati Demetrij anno Domini MşCCş octogesimo sexto.

(Eredetie bőrhártyán, melyről a hátul oda nyomult pecsét már lehullott, a nemz. muzeum kézirattárában.)